بۇگىن اقتاۋ قالاسىندا جاڭا وبلىستىق جەدەل جانە شۇعىل مەديتسينالىق جاردەم ستانتسياسىنىڭ سالتاناتتى اشىلۋ ءراسىمى ءوتتى. نىساننىڭ قۇرىلىسى مەملەكەتكە قايتارىلعان اكتيۆتەر ەسەبىنەن قارجىلاندىرىلعان, دەپ حابارلايدى Egemen.kz.
ءىس-شاراعا باس پروكۋروردىڭ ورىنباسارى عابيت سادىربەكوۆ, دەنساۋلىق ساقتاۋ ۆيتسە-ءمينيسترى تيمۋر مۇراتوۆ, وبلىس اكىمى نۇرداۋلەت قيلىباي, سونداي-اق مەملەكەتتىك ورگانداردىڭ وكىلدەرى, مەديتسينا قىزمەتكەرلەرى جانە جەرگىلىكتى تۇرعىندار قاتىستى.
قايتارىلعان اكتيۆتەر: 7,5 ملرد تەڭگە قاراعاندى وبلىسىنىڭ مەديتسيناسىنا جۇمسالادى
جەدەل جاردەم ستانتسياسى زاماناۋي مەديتسينالىق قۇرال-جابدىقتارمەن, جەدەل بايلانىس جانە ديسپەتچەرلىك جۇيەلەرمەن جابدىقتالعان, جىلىنا 100 مىڭعا دەيىن شاقىرتۋدى قابىلداي الادى.
قايتارىلعان اكتيۆتەر: سقو-داعى اۋرۋحانانى جوندەۋگە 1,3 ملرد تەڭگە ءبولىندى
وبلىس تۇرعىندارىنا شامامەن 350 مەديتسينا قىزمەتكەرى, 36 جەدەل جاردەم بريگاداسى جانە 2 مەديتسينالىق اۆياتسيا بريگاداسى قىزمەت كورسەتەدى. سونىمەن قاتار, جەدەل جاردەم ستانتسياسىنىڭ اۆتوپاركى 52 جاڭا رەانيموبيلمەن تولىقتى.
ءىس-شارا بارىسىندا عابيت سادىربەكوۆ نىساننىڭ الەۋمەتتىك ماڭىزدىلىعىن اتاپ ءوتىپ, وڭىرلەردى دامىتۋعا جانە مەملەكەتتىڭ الەۋمەتتىك ساياساتىن قولداۋعا باس پروكۋراتۋرانىڭ قوسقان ۇلەسىن ەرەكشە ايتتى.
جاڭا ستانتسيانىڭ اشىلۋى ماڭعىستاۋ وبلىسىندا جەدەل مەديتسينالىق قىزمەت كورسەتۋ دەڭگەيىن ارتتىرۋعا مۇمكىندىك بەرەدى.
قايتارىلعان اكتيۆتەر: دۋبايداعى ۆيللالار مەن «دۋمان» قوناق ءۇيى ساتىلدى