Maqsut Narikbayev University (MNU) زاڭگەر عالىمدارى قازاقستان رەسپۋبليكاسىنىڭ جاڭا اتا زاڭى جوباسىن قولداعاندارىن جاريالادى. ۋنيۆەرسيتەتتە «جاڭا كونستيتۋتسيا – مەملەكەتتىلىك دامۋىنىڭ جاڭا كەزەڭى» تاقىرىبىندا دوڭگەلەك ۇستەل ۇيىمداستىرىلدى, دەپ حابارلايدى Egemen.kz.
ءىس-شارا بارىسىندا پروفەسسورلار بۇگىن باق-تا جاريالانعان جاڭا كونستيتۋتسيا جوباسىن جان-جاقتى قاراستىرىپ, ونىڭ مازمۇنىن تالقىلادى. PhD دوكتورى, MNU پروفەسسورى مارات احمادي مەملەكەتتىك تىلدەگى ماتىنگە ەنگىزىلگەن كەشەندى تۇزەتۋلەر تۋرالى ايتىپ ءوتتى. كونستيتۋتسيالىق كوميسسيانىڭ مۇشەلەرى – زاڭ عىلىمدارىنىڭ دوكتورلارى, MNU پروفەسسورلارى ءۇنزيلا شاپاق پەن ينديرا اۋباكىروۆا, سونداي-اق كوميسسيا مۇشەسى, MNU باسقارما توراعاسى تالعات نارىكباەۆ جاڭا كونستيتۋتسيا جوباسىندا ۋنيۆەرسيتەت پروفەسسورلارىنىڭ ۇسىنىستارى ەسكەرىلگەنىن اتاپ ءوتتى.
«وزدەرىڭىزگە ءمالىم, كۇنى كەشە پرەزيدەنت قاسىم-جومارت توقاەۆ 2026 جىلعى 15 ناۋرىزدا جاڭا كونستيتۋتسيانى قابىلداۋ جونىندە رەسپۋبليكالىق رەفەرەندۋم وتكىزۋ تۋرالى جارلىققا قول قويدى. ءبىز ەلىمىزدەگى زاڭگەرلەر قاۋىمداستىعى شوعىرلانعان ۋنيۆەرسيتەتىمىزدە جاڭا اتا زاڭ جوباسىن العاشقىلاردىڭ ءبىرى بولىپ تالقىلاۋ مىندەتىمىز دەپ سانادىق», دەدى تالعات نارىكباەۆ.
ساراپشىلار: جاڭا كونستيتۋتسيا جوباسى مەملەكەتتىك جۇيەنىڭ ورنىقتىلىعىن ارتتىرادى
دوڭگەلەك ۇستەل بارىسىندا قازاقستاننىڭ العاشقى كونستيتۋتسياسىن ازىرلەۋگە قاتىسقان ۋنيۆەرسيتەت پروفەسسورلارى دا پىكىر ءبىلدىردى. MNU Emeritus Professor-ى, زاڭ عىلىمدارىنىڭ دوكتورى تولەش قاۋدىروۆ جاڭا جوبا 1993 جانە 1995 جىلعى كونستيتۋتسيالارمەن سالىستىرعاندا ايقىن ارتىقشىلىقتار مەن جاڭالىقتارعا يە ەكەنىن اتاپ ءوتتى. سونىمەن قاتار ۋنيۆەرسيتەت عالىمدارى قازاقشا نۇسقاداعى تەرمينولوگيالىق قاتەلەردى, ماعىنالىق دالسىزدىكتەردى, گرامماتيكالىق سايكەسسىزدىكتەردى جانە قۇقىقتىق-لينگۆيستيكالىق قايشىلىقتاردى تۇزەتۋ بويىنشا ۇسىنىستار ەنگىزگەن.
«جاڭا اتا زاڭ جوباسى كوپتەگەن قۇندىلىقتاردى قامتىدى. كونستيتۋتسيانىڭ رۋحى ەداۋىر ارتتى, ۇلتتىق بىرتەكتىلىگىمىز نىعايدى, سونداي-اق ەل تۇرعىندارى رەتىندە ءبىزدىڭ بىرەگەيلىگىمىزدى كورسەتەتىن ەرەجەلەر كوزدەلگەن. جوبا ورتاق شەشىم ناتيجەسىندە قالىپتاستى. كونستيتۋتسيالىق كوميسسيا قىزمەتى مەن ءتۇرلى الاڭداردىڭ جۇمىسى قوعامنىڭ پىكىرىن, كوڭىل-كۇيى مەن يدەيالارىن بارىنشا ەسكەرۋگە باعىتتالعان», دەدى ينديرا اۋباكىروۆا.
ەۇۋ اكادەميالىق قاۋىمداستىعى جاڭا كونستيتۋتسيا جوباسىن قولدادى
دوڭگەلەك ۇستەل قورىتىندىسى بويىنشا قاتىسۋشىلار جاڭا كونستيتۋتسيا جوباسىنا قولداۋ ءبىلدىرىپ, ديالوگ الاڭىنىڭ جۇمىسىن جالعاستىرۋدى ۇسىندى. جيىن قازاقستاننىڭ مەملەكەتتىلىك دامۋى مەن قۇقىقتىق رەفورمالاردى قولداۋ جولىنداعى ماڭىزدى قادام بولدى.
پارلامەنتاريزم ينستيتۋتى جاڭا كونستيتۋتسيا جوباسىن قولدادى