ەلدىڭ وڭتۇستىگىندە قولايسىز اۋا رايىنا بايلانىستى رەسپۋبليكالىق ماڭىزى بار بىرقاتار اۆتوجولدا كولىك قوزعالىسىنا ۋاقىتشا شەكتەۋ قويىلدى, دەپ حابارلايدى Egemen.kz.
12 اقپان ساعات 13:00-دەگى جاعداي بويىنشا جامبىل جانە تۇركىستان وبلىستارى اۋماعىنداعى «رف شەكاراسى - مارتوك - اقتوبە - قارابۇتاق - قىزىلوردا - شىمكەنت - تاراز - قورداي - الماتى - قورعاس - قحر شەكاراسى» حالىقارالىق دالىزىندە بارلىق كولىك تۇرلەرىنىڭ قوزعالىسى توقتاتىلدى.
جامبىل وبلىسىندا جولدىڭ 534-593 شاقىرىمى, ياعني ايشا ءبيبى اۋىلىنان تۇركىستان وبلىسىنىڭ شەكاراسىنا دەيىنگى ارالىق جابىلدى. ال تۇركىستان وبلىسىندا وسى جولدىڭ 593-654 شاقىرىمى, جامبىل وبلىسىنىڭ شەكاراسىنان ماشات اۋىلىنا دەيىنگى بولىگىنە شەكتەۋ قويىلدى.
اقتوبە وبلىسىندا جولدا قالىپ قويعان 400 جولاۋشى پويىزبەن تەگىن جەتكىزىلدى
بۇدان بولەك, 12 اقپان ساعات 13:30-دان باستاپ جامبىل وبلىسىنىڭ اۋماعىندا اتالعان اۆتوجولدىڭ بىرقاتار بولىگىندە جۇك كولىكتەرىنىڭ قوزعالىسى شەكتەلدى. اتاپ ايتقاندا, تاراز قالاسى مەن قاينار اۋىلى ارالىعىنداعى 238-476 شاقىرىم جانە تاراز اينالما جولىنىڭ 476-534 شاقىرىم بولىكتەرىندە جۇك كولىكتەرى ءۇشىن ۋاقىتشا شەكتەۋ ەنگىزىلدى.
اتالعان جولداردى 2026 جىلعى 13 اقپان ساعات 10:00-دە اشۋ جوسپارلانعان.
قوسىمشا اقپاراتتى تاۋلىك بويى 1403 بايلانىس ورتالىعىنا حابارلاسىپ بىلۋگە بولادى.
12 اقپانعا ارنالعان اۋا رايى بولجامى