ەلورداداعى كاسىپورىنداردىڭ بىرىندە جاڭا كونستيتۋتسيا جوباسىن تۇسىندىرۋگە ارنالعان كەزدەسۋ ءوتتى. جيىندا قۇجاتتىڭ نەگىزگى باعىتتارى سارالانىپ, ەڭبەك ۇجىمى رەفەرەندۋمعا بەلسەندى قاتىسۋعا شاقىرىلدى, دەپ حابارلايدى Egemen.kz.
استانا قالاسىندا قوعامدىق كەڭەس جانە كونستيتۋتسيالىق كوميسسيا مۇشەسى زاميرا كۋزيەۆا «بىرىڭعاي شوعىرلاندىرۋ ورتالىعى» جشس ەڭبەك ۇجىمىمەن جۇزدەستى. كەزدەسۋدىڭ باستى ماقساتى – قازاقستان رەسپۋبليكاسىنىڭ جاڭا كونستيتۋتسياسى جوباسىنىڭ مازمۇنىن ءتۇسىندىرۋ جانە ونىڭ ماڭىزىن تالقىلاۋ.
جاڭا كونستيتۋتسيا: ساراپشىلار قوعامدىق تۇراقتىلىق پەن دامۋعا قولداۋ ءبىلدىردى
جيىندا مەملەكەتتىلىكتى نىعايتۋ, ادام قۇقىقتارى مەن بوستاندىقتارىن قورعاۋ, زاڭ ۇستەمدىگىن ورنىقتىرۋ جانە ازاماتتاردىڭ مەملەكەت ءىسىن باسقارۋعا قاتىسۋ مۇمكىندىگىن كەڭەيتۋگە باعىتتالعان نورمالار ءسوز بولدى. سپيكەردىڭ ايتۋىنشا, قۇجات ەل دامۋىنىڭ ۇزاق مەرزىمدى باعدارىن ايقىندايدى.
«مەن ءۇشىن جاڭا كونستيتۋتسيا – ەل دامۋىنىڭ الداعى جىلدارعا ارنالعان باعىتىن ايقىندايتىن ماڭىزدى باعدار», دەدى زاميرا كۋزيەۆا.
ول جاھاندىق وزگەرىستەر جاعدايىندا قۇقىقتىق كەڭىستىكتىڭ تۇراقتىلىعى مەن بولجامدىلىعى شەشۋشى مانگە يە ەكەنىن اتاپ ءوتتى.
«نەگىزگى زاڭ ازاماتتار مەن بيزنەس ءۇشىن تۇراقتىلىقتى, تۇسىنىكتى ەرەجەلەردى جانە بولجامدىلىقتى قامتاماسىز ەتۋى وتە ماڭىزدى», دەدى كوميسسيا مۇشەسى.
كەزدەسۋ بارىسىندا الەۋمەتتىك كەپىلدىكتەر ماسەلەسىنە دە ايرىقشا نازار اۋدارىلدى. جاڭا جوبا ەڭبەك ەتۋ, قىزمەت ءتۇرىن ەركىن تاڭداۋ, دەمالۋ جانە الەۋمەتتىك قورعالۋعا قاتىستى قۇقىقتاردى ناقتىلاي تۇسەدى.
«كونستيتۋتسيا الەۋمەتتىك كەپىلدىكتەردى, ەڭبەك ەتۋ, قىزمەت ءتۇرىن ەركىن تاڭداۋ, دەمالۋ جانە الەۋمەتتىك قورعالۋ قۇقىقتارىن كۇشەيتەدى», دەدى سپيكەر.
ايداربەك قوجانازاروۆ: جاڭا كونستيتۋتسيا مەملەكەتتىڭ دەربەس تاڭداۋىن جانە كەمەلدىگىن ايعاقتايدى
ونىڭ پىكىرىنشە, ەكونوميكالىق دامۋ مەن الەۋمەتتىك جاۋاپكەرشىلىك اراسىنداعى تەپە-تەڭدىك ساقتالمايىنشا, تۇراقتى وسىمگە قول جەتكىزۋ مۇمكىن ەمەس.
«ەكونوميكالىق دامۋ مەن الەۋمەتتىك جاۋاپكەرشىلىك اراسىنداعى بۇل تەپە-تەڭدىكسىز تۇراقتى ءوسىم مۇمكىن ەمەس», دەدى ول.
ساراپشى جاڭا قۇجاتتى مەملەكەت, بيزنەس جانە ازاماتتار اراسىنداعى سەرىكتەستىكتى نىعايتاتىن ورتاق ەرەجەلەر جيىنتىعى رەتىندە باعالادى.
«مەن ءۇشىن جاڭا كونستيتۋتسيا – مەملەكەت, بيزنەس جانە ازاماتتار ورتاق ەرەجەلەر مەن ماقساتتاردى ءتۇسىنىپ, ءبىر باعىتتا العا جىلجيتىن سەرىكتەستىككە جاسالعان قادام», دەدى زاميرا كۋزيەۆا.
جيىندا مەملەكەت باسشىسىنىڭ جاڭا كونستيتۋتسيا جوباسى بويىنشا رەسپۋبليكالىق رەفەرەندۋم وتكىزۋ تۋرالى جارلىققا قول قويعانى دا ايتىلدى. بۇل ءار ازاماتقا ەلدىڭ نەگىزگى قۇجاتىنا قاتىستى ءوز تاڭداۋىن بىلدىرۋگە مۇمكىندىك بەرەدى.
كەزدەسۋ سوڭىندا ەڭبەك ۇجىمى رەفەرەندۋمعا بەلسەندى قاتىسۋدىڭ ماڭىزىن اتاپ ءوتتى. ساراپشى جينالعانداردى ەلدى جاڭعىرتۋ, تۇراقتى دامۋ جانە قازاقستاننىڭ بولاشاعى ءۇشىن داۋىس بەرۋگە شاقىردى.
اسحات راحىمجانوۆ: جاڭا كونستيتۋتسيا ازاماتتاردىڭ ەلدىڭ ساياسي ومىرىنە قاتىسۋ مۇمكىندىگىن كەڭەيتەدى