بۇگىن قازاقستان رەسپۋبليكاسى جاڭا اتا زاڭىنىڭ قورىتىندى جوباسى جاريالاندى. جوبانىڭ II بولىمى «نەگىزگى قۇقىقتار, بوستاندىقتار مەن مىندەتتەر» دەپ اتالىپ, ەل ازاماتتىعىنا قاتىستى ەرەجە ۇسىنىلعان, دەپ جازادى Egemen.kz.
«قازاقستان رەسپۋبليكاسىنىڭ ازاماتتىعى زاڭعا سايكەس بەرىلەدى جانە توقتاتىلادى, ول بەرىلگەن نەگىزىنە قاراماستان بiرىڭعاي جانە تەڭ. قازاقستان رەسپۋبليكاسىنىڭ ازاماتىن ءوز ازاماتتىعىنان ايىرۋعا, ازاماتتىعىن وزگەرتۋ قۇقىعىنان ايىرۋعا, سونداي-اق قازاقستاننان تىس جەرگە الاستاتۋعا بولمايدى. ازاماتتىقتان ايىرۋعا تەرروريستىك قىلمىس جاساعانى, سونداي-اق قازاقستان رەسپۋبليكاسىنىڭ ۇلتتىق مۇددەلەرىنە وزگە دە اۋىر زيان كەلتىرگەنى ءۇشىن سوت شەشىمىمەن عانا جول بەرىلەدى», دەپ جازىلعان كونستيتۋتسيادا.
سونداي-اق ەلىمىزدە قوس نەمەسە كوپ ازاماتتىق الۋ زاڭ جۇزىندە شەكتەلەدى.
«قازاقستان رەسپۋبليكاسىنىڭ ازاماتىندا قوس نەمەسە كوپ ازاماتتىعى بولۋىنا جول بەرىلمەيدى. وزگە ەل ازاماتتىعىنىڭ بولۋى قازاقستان رەسپۋبليكاسىنىڭ ازاماتتىعىن توقتاتۋعا نەگىز بولادى. شەت مەملەكەتتە تۋعانىنا بايلانىستى سول مەملەكەتتىڭ ازاماتتىعىن العان كامەلەتكە تولماعان بالاعا قاتىستى زاڭدا كوزدەلگەن ەرەجەلەر قولدانىلادى», دەپ جازىلعان كونستيتۋتسيادا.
ايتا كەتەيىك, جاڭا كونستيتۋتسيا جوباسىندا پرەزيدەنتتىڭ كەزەكتى سايلاۋى, وكىلەتتىك مەرزىمى جانە داۋىس بەرۋ ەرەجەسى ناقتىلانىپ, قۇرىلتاي دەپۋتاتتارىنىڭ وكىلەتتىك مەرزىمى دە ايقىندالدى.
قۇرىلتاي دەپۋتاتتارى قالاي سايلانادى؟