ينفلياتسيامەن كۇرەس: ۇكىمەتتىڭ نەگىزگى قادامدارى قانداي؟

جيىن قورىتىندىسىندا ۇكىمەت ەكونوميكالىق جانە ينۆەستيتسيالىق ساياسات بويىنشا كەشەندى مىندەتتەر جۇكتەدى.

ەكونوميكالىق بلوك

ۇكىمەت ينفلياتسيانى تومەندەتۋ جانە باقىلاۋدى كۇشەيتۋ, بيزنەس شىعىندارىن ازايتۋ, تاۋار نارىقتارىنداعى باسەكەلەستىكتى ارتتىرۋ جانە تسيفرلىق تەڭگەنى كەڭىنەن ەنگىزۋ بويىنشا ناقتى تاپسىرمالار بەردى.

باعا تۇراقتىلىعىن قامتاماسىز ەتۋ ءۇشىن تۇراقتاندىرۋ قورلارى, فورۆاردتىق كەلىسىمشارتتار جانە ساۋدا سۋبەكتىلەرىمەن كەلىسىمدەر تەتىكتەرىن بەلسەندى پايدالانۋ تاپسىرىلدى.

پرەزيدەنت تاپسىرماسى: مينيسترلىكتەردىڭ الداعى مىندەتتەرى ناقتىلاندى

سالىق سالاسىندا حالىق پەن بيزنەس ءۇشىن تۇسىنىكتى ءارى بولجامدى جۇيە قالىپتاستىرۋ, ءتيىمدى سالىقتىق اكىمشىلەندىرۋ مەن ەرتە ەسكەرتۋ مەحانيزمدەرىن ەنگىزۋ قاجەتتىگى اتاپ ءوتىلدى.

سونىمەن قاتار:

بيزنەسكە ارنالعان بىرىڭعاي تسيفرلىق ەكوجۇيە قۇرۋ;

تاۋارلاردى تسيفرلىق تاڭبالاۋدى ءوندىرىس پروتسەسىنە كەدەرگى كەلتىرمەي كەڭەيتۋ;

شوب سۋبەكتىلەرىن جوسپاردان تىس تەكسەرۋ تەتىگىن قايتا قاراۋ;

اكتيۆتەردى باسقارۋدى وڭتايلاندىرۋ;

الاتاۋ قالاسىن ساپالى دامىتۋ مىندەتتەرى قويىلدى.

قارجى جانە سالىق سالاسى

قارجى مينيسترلىگىنە 1 مامىرعا دەيىن بيۋدجەتتىك باعدارلامالارعا كەشەندى اۋديت جۇرگىزۋ تاپسىرىلدى.

تامىز ايىنىڭ سوڭىنا دەيىن ۇلتتىق بانكپەن بىرلەسىپ تسيفرلىق تەڭگەنى ءتۇرلى سالالاردا ەنگىزۋ شارالارى قابىلدانادى.

جىل سوڭىنا دەيىن ماركەتپلەيستەرگە, ينتەرنەت-اگرەگاتورلارعا جانە ەكىنشى دەڭگەيلى بانكتەرگە سالىق اگەنتى مارتەبەسىن بەرۋ بويىنشا زاڭنامالىق وزگەرىستەر ازىرلەنەدى.

ينۆەستيتسيالىق ساياسات

2030 جىلعا دەيىن نەگىزگى كاپيتالعا ينۆەستيتسيالار تارتۋ بويىنشا نىسانالى ينديكاتورلار ازىرلەنەدى. باسىم جوبالار پۋلى قالىپتاستىرىلىپ, بيۋدجەتتەن تىس قاراجات تارتۋ بويىنشا KPI بەكىتىلەدى.

سىرتقى ىستەر مينيسترلىگى Kazakh Invest-پەن بىرلەسىپ ءىرى ينۆەستورلارمەن جۇمىستى كۇشەيتەدى. سونىمەن قاتار ينۆەستيتسيالىق جوبالاردىڭ ىسكە اسىرىلۋىن تسيفرلىق پلاتفورما ارقىلى مونيتورينگتەۋ كۇشەيتىلەدى.

ولجاس بەكتەنوۆ: ۇكىمەت «شىنايى مۇقتاج ادامدارعا عانا كومەك» قاعيداتىن قاتاڭ ۇستانادى

ءبىر اي ىشىندە 2030 جىلعا دەيىنگى ناقتى قارجىلاندىرۋ كوزدەرى بويىنشا كورسەتكىشتەر ناقتىلانادى جانە جەكە ينۆەستيتسيا ۇلەسىن ارتتىرۋ شارالارى ازىرلەنەدى.

تسيفرلاندىرۋ جانە جاساندى ينتەللەكت

دەرەكتەردى باسقارۋ ينفراقۇرىلىمىن دامىتۋ, KazLLM-ءدى كەڭىنەن ەنگىزۋ, Aitu مەسسەندجەرىنىڭ فۋنكتسيونالىن جەتىلدىرۋ, Tasqyn جانە Talsim جۇيەلەرىن بىرىكتىرۋ تاپسىرىلدى.

1 قازانعا دەيىن تسيفرلاندىرۋدى قارجىلاندىرۋ قورى تولىق ىسكە قوسىلادى.

ءبىر اي ىشىندە بيزنەسكە تسيفرلىق شەشىمدەردى ەنگىزۋدى ىنتالاندىرۋ شارالارى ۇسىنىلادى.

10 كۇن ىشىندە اقپاراتتىق جۇيەلەردى «QazTech» پلاتفورماسىنا كوشىرۋ جوسپارى بەكىتىلەدى.

ناقتى سەكتوردى دامىتۋ

ەنەرگەتيكا, وڭدەۋ ونەركاسىبى, مۇناي-گاز حيمياسى, كولىك جانە اوك سالالارىنداعى ينفراقۇرىلىمدىق جوبالاردى ۋاقىتىندا اياقتاۋعا باسىمدىق بەرىلدى.

ەنەرگەتيكا

بىرىڭعاي ەنەرگوجۇيەنىڭ ونلاين-مونيتورينگى ەنگىزىلەدى.

2027 جىلعا دەيىن باتىس ءوڭىردى بىرىڭعاي ەنەرگەتيكالىق جۇيەگە قوسۋ جانە وڭتۇستىك ايماقتى كۇشەيتۋ جوسپارلانعان.

20 اقپاندا كومىر گەنەراتسياسى جونىندەگى ۇلتتىق جوسپار ۇسىنىلادى.

ونەركاسىپ

پوليمەرلىك ونىمدەردى تەرەڭ وڭدەۋدى قولداۋ تەتىكتەرى ازىرلەنەدى.

ارنايى ەكونوميكالىق ايماقتاردى ترانسفورماتسيالاۋ بويىنشا ۇسىنىستار ەنگىزىلەدى.

شيكىزاتتى تەرەڭ وڭدەۋ مەن ەكسپورتتى ارتتىرۋ ءۇشىن جاڭا ىنتالاندىرۋلار ۇسىنىلادى.

 كولىك جانە لوگيستيكا

ءىرى تەمىرجول جوبالارى كەزەڭ-كەزەڭىمەن ىسكە قوسىلادى.

جۇك ۆاگوندارىن بەرۋ پروتسەسى تولىق تسيفرلاندىرىلۋى ءتيىس.

Smart Cargo پلاتفورماسى جىل سوڭىنا دەيىن وندىرىستىك پايدالانۋعا ەنگىزىلەدى.

اۆتوجول جوبالارى جەدەلدەتىلىپ, شەكاراداعى 33 وتكىزۋ پۋنكتى جاڭعىرتىلادى.

ۇكىمەت پرەزيدەنت تاپسىرمالارىن جۇزەگە اسىرۋعا كىرىستى

اۋىل شارۋاشىلىعى

ىشكى نارىقتى وتاندىق ازىق-ت ۇلىكپەن قامتاماسىز ەتۋ شارالارى كۇشەيتىلەدى.

15 ساۋىرگە دەيىن ۆەتەريناريانى دامىتۋ جوسپارى ۇسىنىلادى.

1 ماۋسىمعا دەيىن اۋىل شارۋاشىلىعى كووپەراتسياسى تۋرالى زاڭ جوباسى ازىرلەنەدى.

1 قىركۇيەككە دەيىن سۋبسيديالاۋ جۇيەسىنىڭ اشىقتىعىن قامتاماسىز ەتەتىن اقپاراتتىق جۇيە تولىق ىسكە قوسىلادى.

ۇكىمەتتىڭ تاپسىرمالارى ينفلياتسيانى باقىلاۋدان باستاپ تسيفرلاندىرۋ مەن ينۆەستيتسيا تارتۋعا, ەنەرگەتيكا مەن لوگيستيكانى جاڭعىرتۋعا دەيىنگى بارلىق نەگىزگى باعىتتاردى قامتيدى. نەگىزگى ماقسات – ەكونوميكانىڭ تۇراقتىلىعىن ارتتىرۋ, جەكە ينۆەستيتسيا ۇلەسىن كوبەيتۋ جانە ناقتى سەكتوردى جۇيەلى دامىتۋ.