الەۋمەتتىك جەلىدە Kaspi bank-ءتىڭ Kaspi Gold كارتاسى مەن Kaspi Pay شوتتارى بويىنشا جىلدىق قىزمەت كورسەتۋ تاريفتەرىنىڭ باعاسى كوتەرىلەتىنى تۋرالى اقپارات تارادى, دەپ جازادى Egemen.kz.
جاريالانىمداعى مالىمەت بويىنشا, 2026 جىلدىڭ 31 ناۋرىزىنان باستاپ Kaspi Gold كارتاسىنىڭ جىلدىق قىزمەت كورسەتۋ قۇنى – 10 000 تەڭگە, كارتانى قايتا شىعارۋ 10 000 تەڭگە كولەمىندە اقىلى قىزمەتكە اينالادى, وزگە بانكتەردىڭ كارتالارىنا جاسالعان اۋدارىمدار ءۇشىن 5% (كەمىندە 200 تەڭگە) كوميسسيا ۇستالادى, ال قولما-قول اقشا شەشىپ الۋ كوميسسياسى 5%-عا دەيىن وسەتىنى جازىلعان.
بانكتەر تۋرالى جاڭا زاڭعا بايلانىستى دەپوزيتتەرگە كەپىلدىك بەرۋدە نە وزگەرەدى؟
سونىمەن قاتار Kaspi Pay شوتتارىن اشۋ جانە اي سايىن قىزمەت كورسەتۋ اقىسى 15 000 تەڭگە بولىپ, ال ءوزىن-ءوزى جۇمىسپەن قامتىعاندار ءۇشىن 300 000 تەڭگەدەن اساتىن وپەراتسيالارعا قوسىمشا 5% كولەمىندە كوميسسيا ەنگىزىلەتىنى حابارلانعان.
دەسە دە كومپانيا وكىلدەرى تاراعان اقپاراتتىڭ شىندىققا ساي كەلمەيتىنىن, جاڭا تاريفتەر ەنگىزىلمەيتىنىن مالىمدەدى.
بارلىق ءساتىلىم ۇشىن كەشبەك: قاي بانكتەر جومارتتىق تانىتادى؟
«كليەنتتەر مەن سەرىكتەستەرىمىز ءۇشىن تاريفتەر مەن قىزمەت كورسەتۋ شارتتارى وزگەرىسسىز قالادى. ينتەرنەتتە Kaspi.kz تاريفتەرى مەن Kaspi Gold كارتاسىنىڭ جىلدىق قىزمەت كورسەتۋى مەن قايتا شىعارىلۋ قۇنى, Kaspi Pay شارتتارى جانە وزگە بانكتەردىڭ كارتالارىنا اۋدارىم كوميسسياسى وزگەرەدى دەگەن اقپارات تارادى. بۇعان جاڭارتىلعان زاڭدىق قۇجاتتىڭ قاتە ءتۇسىندىرىلىۋى سەبەپ بولدى. قانداي دا ءبىر وزگەرىستەر بولىپ جاتسا, ءبىز بۇل تۋرالى ءاردايىم الدىن الا ءارى اشىق تۇردە حابارلايمىز», دەلىنگەن كومپانيا مالىمدەمەسىندە.
Kaspi.kz وكىلدەرى تاريفتەر مەن قىزمەت كورسەتۋ ەرەجەلەرىندەگى بارلىق وزگەرىس تەك بانكتىڭ رەسمي سايتىندا جانە قوسىمشاسىندا جاريالاناتىنىن ەسكەرتىپ وتىر.
بانكتەر كاسىپكەرلەرگە 20 ترلن تەڭگە نەسيە بەردى