قاراعاندى قالاسىنداعى «التىن عاسىر» گالەرەياسىندا ەرەكشە فورماتتاعى كورمە كوپشىلىككە جول تارتادى. اۆتورلىق جاڭا تەحنيكامەن سالىنعان كارتينالار جارتىلاي قاراڭعى كەڭىستىكتە ۇسىنىلىپ, كورەرمەنگە وزگەشە اسەر سىيلاماق, دەپ جازادى Egemen.kz.
كورمەنىڭ كرەاتيۆتى يدەياسىن قاراعاندىلىق سۋرەتشى دميتري كەتسمان ۇسىنعان. ول قاراڭعىدا بەينەنى ايقىنداي تۇسەتىن وزىندىك كوركەمدىك ءادىسىن ازىرلەپ, ونى Phosphorescent shadow body دەپ اتاعان.
سۋرەتشى جاڭا تەحنيكانىڭ قىر-سىرىن ادەيى جاريا ەتپەيدى. ونىڭ ايتۋىنشا, شىعارماشىلىقتاعى بەلگىسىزدىك كورەرمەن قىزىعۋشىلىعىن كۇشەيتىپ, ەكسپوزيتسيانىڭ ايرىقشا اتموسفەراسىن قالىپتاستىرادى.
«ەكسپوزيتسياعا دەگەن قىزىعۋشىلىقتى ساقتايتىن قۇپيا بولۋى كەرەك دەپ ويلايمىن. زالدا مۇلدە قاراڭعىلىق ورنامايدى, تەك قويۋ جارتىلاي قاراڭعىلىق بولادى. سول سەبەپتى كەلۋشىلەردەن قارا نەمەسە قويۋ ءتۇستى كيىممەن كەلۋدى وتىنەمىز – بۇل ولاردىڭ كوزگە تۇسپەي, جالپى كوركەم كەڭىستىكتىڭ ءبىر بولشەگىنە اينالۋىنا مۇمكىندىك بەرەدى», دەدى دميتري كەتسمان.
ۇلىتاۋدا وتباسىلىق سۋرەت كورمەسى ءوتتى
ءارتۇرلى تاقىرىپ, ورتاق تەحنيكاەكسپوزيتسياعا قويىلعان تۋىندىلاردى مازمۇنى ەمەس, ورىندالۋ ءتاسىلى بىرىكتىرەدى. كارتينالاردىڭ تاقىرىبى مەن يدەيالىق شەشىمى سان الۋان. ءاربىر شىعارما وزىندىك كوڭىل كۇي مەن تەرەڭ ماعىنانى ارقالاپ, كورەرمەندى جەكە اسەرگە بولەيدى.
ايتا كەتەيىك, دميتري كەتسمان – قاراعاندىلىق قىلقالام شەبەرى, ۇلىبريتانياداعى تالانتتاردىڭ جاھاندىق كونفەدەراتسياسىنىڭ التىن سەرىكتەسى, ماسكەۋدىڭ حالىقارالىق سۋرەتشىلەر وداعىنىڭ مۇشەسى. ول – كوپتەگەن حالىقارالىق فەستيۆالدەر مەن بايقاۋلاردىڭ لاۋرەاتى. بۇل كورمە – سۋرەتشىنىڭ «التىن عاسىر» گالەرەياسىنداعى ءۇشىنشى جەكە شىعارماشىلىق كەشى.
كورمەنىڭ سالتاناتتى اشىلۋى 14 اقپاندا ساعات 18:00-دە وتەدى. كىرۋ تەگىن. ونەرسۇيەر قاۋىم ەكسپوزيتسيانى 19 اقپانعا دەيىن تاماشالاي الادى.
الماتىدا جاس تالانتتاردىڭ سۋرەت كورمەسى اشىلدى