بۇگىن پرەزيدەنت ۇكىمەتتىڭ كەڭەيتىلگەن وتىرىسىنداعى قورىتىندى سوزىندە جاڭا ەكونوميكالىق ۇلگىگە كوشۋ بارىسىندا كولىك لوگيستيكاسىن دامىتۋعا جەتە ءمان بەرۋ قاجەتتىگىن اتاپ ءوتتى, دەپ حابارلايدى Egemen.kz.
قاسىم-جومارت توقاەۆتىڭ ايتۋىنشا, قازاقستاننىڭ ەۋرازيا قۇرلىعىنداعى بىرەگەي ورنىن ءتيىمدى پايدالانباساق, بۇل حالقىمىز كەشىرمەيتىن ستراتەگيالىق ولقىلىق بولۋى مۇمكىن. سوندىقتان بۇل مىندەتتىڭ ءمان-ماعىناسى ەرەكشە.
«كولىك-تاسىمال سالاسى ونەركاسىپ جانە ينۆەستيتسيا ساياساتىمەن بىرگە ءبىرتۇتاس جۇيە رەتىندە قارالۋى كەرەك. وسى كەزگە دەيىن ينفراقۇرىلىمدىق ءرولى باسىم بولعان ترانزيت سالاسى ەندى ەكونوميكالىق سيپاتقا يە بولادى. جاھاندىق باسەكە كۇشەيىپ تۇرعان قازىرگى زاماندا بۇل – وتە ماڭىزدى قادام», دەدى مەملەكەت باسشىسى.
توقاەۆ كاسىپكەرلەردى جوسپاردان تىس تەكسەرۋدى دوعارۋدى تاپسىردى
پرەزيدەنت تەمىرجول سالاسىنا توقتالىپ ءوتتى.
«قازىر ەلىمىزدەگى تاۋاردىڭ 60%-ى تەمىرجولمەن تاسىمالدانادى. سوندىقتان تەمىرجول جەلىلەرىن بارىنشا دامىتۋ – ايرىقشا ماڭىزدى مىندەت. بۇگىندە بىرقاتار ءىرى ينفراقۇرىلىم جوباسىنىڭ قۇرىلىسى اياقتالدى. تەمىرجول ارقىلى جۇك تاسىمالداۋ مۇمكىندىگى ەداۋىر جاقسارىپ, تەمىرجولدىڭ جالپى جاعدايى تۇراقتالدى. دەسەك تە, ەلىمىزدىڭ تەمىرجول ءترانزيتى سالاسىنداعى الەۋەتىن تولىعىمەن پايدالانۋىمىز قاجەت», دەدى مەملەكەت باسشىسى.
مەملەكەت باسشىسى ۇكىمەتكە ەلدەگى مۇناي وڭدەۋ زاۋىتتارىن جەدەل جاڭعىرتۋدى تاپسىردى
پرەزيدەنتتىڭ سوزىنشە, بۇل ماڭىزدى ماسەلە بويىنشا انىق, ايقىن ستراتەگيا ءالى جوق. توزىعى جەتكەن تەمىرجول ينفراقۇرىلىمى ءالى دە كوپ. كەيبىر جەرلەردەگى احۋال ءتىپتى كۇردەلى دەۋگە بولادى.
«بيىل «مويىنتى – قىزىلجار», «داربازا – ماقتاارال» باعىتىنداعى جاڭا تەمىرجول جەلىلەرىن ىسكە قوسۋ كەرەك. سونداي-اق «التىنكول – جەتىگەن» جانە «بەينەۋ – ماڭعىستاۋ» تەمىرجولىن جاڭعىرتۋ جۇمىستارىن اياقتاۋ قاجەت. «باقتى – اياگوز» جەلىسىن ۋاقتىلى پايدالانۋعا بەرۋ كەرەك. اتالعان ماسەلەلەر تۋرالى ءجيى ايتاتىن بولدىق, ەندى ناقتى ناتيجەگە كۋا بولايىق. جۇمىستىڭ قارقىنىن باسەڭدەتۋگە بولمايدى», دەدى مەملەكەت باسشىسى.
توقاەۆ: شارۋالاردى مەملەكەتتىك قولداۋ جۇيەسى بارىنشا اشىق بولۋى كەرەك