پرەزيدەنت قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا الەۋمەتتىك سالانى تسيفرلاندىرۋ ماسەلەسى دە وتە ماڭىزدى ەكەنىن اتاپ ءوتتى, دەپ جازادى Egemen.kz.
مەملەكەت باسشىسىنىڭ ايتۋىنشا, بىلتىر رەسپۋبليكالىق بيۋدجەتتىڭ 40 پايىزعا جۋىعى وسى سالاعا بولىنگەن.
«بىراق بۇل قاراجات قانشالىقتى ءتيىمدى جۇمسالدى دەگەن ورىندى سۇراق تۋىندايدى. سوندىقتان ۇكىمەت ءۇي شارۋاشىلىقتارىنىڭ الەۋمەتتىك تسيفرلىق ءپروفيلىن قالىپتاستىرۋعا ءتيىس. سوندا الەۋمەتتىك كومەك تە شىن مانىندە كومەككە مۇقتاج ادامدارعا بەرىلەدى. قارجىلاي تولەماقىدان باستاپ, ازىق-ت ۇلىك, ءدارى-دارمەك, باسپانا نەمەسە ءبىلىم الۋعا بەرىلەتىن ۆاۋچەرلەرگە دەيىنگى قولداۋدىڭ بارلىق ءتۇرى بانك جانە تولەم ينفراقۇرىلىمىمەن تىعىز بايلانىسقان «الەۋمەتتىك ءاميان» ارقىلى بەرىلۋگە ءتيىس. ۇكىمەت اكىمدىكتەرمەن بىرگە وسى تاجىريبەنى بارلىق جەردە كەڭىنەن قولدانۋى كەرەك. سونداي-اق بۇل ءتاسىلدى جىل سوڭىنا دەيىن تەزدەتىپ ىسكە قوسۋى قاجەت», دەدى پرەزيدەنت.
توقاەۆ: جاڭا اتا زاڭدا ادىلەتتى قازاقستان جانە زاڭ مەن ءتارتىپ سياقتى نەگىزگى قاعيداتتار ناقتى كورسەتىلگەن
سونداي-اق مەملەكەت باسشىسى ۇكىمەتتىڭ وتاندىق Aitu مەسسەندجەرىنە ءتيىستى دەڭگەيدە كوڭىل بولمەي وتىرعانىن سىنعا الدى.
«مەنىڭ بايقاۋىمشا, ۇكىمەت وتاندىق Aitu مەسسەندجەرىنە ءتيىستى دەڭگەيدە كوڭىل بولمەي وتىر. ءتىپتى ونى مەملەكەتتىك قىزمەتكەرلەر دە پايدالانبايدى. EGov AI دەپ اتالاتىن امبەباپ جاساندى ينتەللەكت-كومەكشىسىن (اسسيستەنتىن) ازىرلەۋ كەرەك. بارلىق ازاماتقا قولجەتىمدى بولاتىن وسى جۇيە بىرتىندەپ حالىققا قىزمەت كورسەتۋ ورتالىقتارىنىڭ ورنىن باسادى. الەۋمەتتىك قولداۋ شارالارىن باسقاراتىن ينفراقۇرىلىمدى, ياعني بىرىڭعاي تسيفرلىق الەۋمەتتىك قورعاۋ پلاتفورماسىن ناقتى ايقىنداپ الۋ قاجەت», دەدى قاسىم-جومارت توقاەۆ.
توقاەۆ: دۇنيە جۇزىندەگى ەكونوميكالىق احۋالعا قاراماستان, بىلتىر ەكونوميكامىز 6,5%-عا ءوستى
ەسكە سالايىق, پرەزيدەنت توراعالىعىمەن ۇكىمەتتىڭ كەڭەيتىلگەن ءوتىرىسى وتىپ جاتىر.