پرەزيدەنت ۇكىمەتتىڭ كەڭەيتىلگەن وتىرىسىندا ەلدەگى تسيفرلىق ترانسفورماتسيا كەزەڭى تۋرالى ءسوز ەتتى, دەپ حابارلايدى Egemen.kz.
«تسيفرلىق ترانسفورماتسيا كەزەڭىندە, ەڭ الدىمەن, جەكە ادامنىڭ مۇددەسىنە نۇقسان كەلۋى مۇمكىن. سوندىقتان دەربەس دەرەكتەردىڭ سەنىمدى قورعالۋىن قامتاماسىز ەتۋگە ايرىقشا نازار اۋدارۋ كەرەك», دەدى قاسىم-جومارت توقاەۆ.
توقاەۆ: تسيفرلىق مەملەكەت قۇرۋ ماسەلەسىنە ايرىقشا كوڭىل ءبولۋ كەرەك
پرەزيدەنتتىڭ ايتۋىنشا, دەربەس دەرەكتەردىڭ تاراپ كەتۋى, ونلاين-الاياقتىق, جاساندى ينتەللەكتىنى قىلمىس قۇرالى رەتىندە پايدالانۋ – مۇنىڭ ءبارى ءبىزدىڭ ەلدە دە, شەتەلدە دە قالىپتى جاعدايعا اينالدى.
ء«بىز قارجىلىق مونيتورينگ اگەنتتىگى مەن باسقا دا قۇقىق قورعاۋ ورگاندارىن جۇمىلدىرىپ, كيبەرقىلمىسپەن جانە الاياقتىقپەن كۇرەسۋ ءۇشىن ناقتى شارالار قابىلداپ جاتىرمىز. ۇلتتىق انتيفرود-ورتالىعى 90 مىڭ ازاماتتى الاياقتاردىڭ ارباۋىنان ساقتاپ قالدى.
مەملەكەت باسشىسى: سالىق جۇيەسىن جاپپاي تسيفرلاندىرۋعا شۇعىل كىرىسكەن ءجون
پرەزيدەنت ۇكىمەتكە ءتيىستى مەكەمەلەرمەن بىرگە كيبەرقاۋىپسىزدىكتى قامتاماسىز ەتۋ جانە ازاماتتاردىڭ دەرەكتەرىن قورعاۋ ماسەلەسىن كەشەندى تۇردە مۇقيات سارالاپ, قاراۋدى تاپسىردى.
«بۇدان بولەك, جاقىندا ۇلتتىق قۇرىلتايدا اتاپ وتكەنىمدەي, تسيفرلىق دەربەس دەرەكتەردى قورعاۋ ماسەلەسى كونستيتۋتسيالىق دەڭگەيدە بەكىتىلىپ, ايقىندالۋى كەرەك», دەدى مەملەكەت باسشىسى.
پرەزيدەنت: اتا زاڭىمىزعا قاتىستى تۇپكىلىكتى شەشىم جالپىۇلتتىق رەفەرەندۋمدا قابىلدانادى