قاۋىپتى نيپاح ۆيرۋسى جانە قىزىلشا: قازاقستان شەكارادا باقىلاۋدى كۇشەيتتى

شەكاراداعى سۇزگى: نيپاح ۆيرۋسىنان ساقتانۋ

بۇل ينفەكتسيا بويىنشا قولايسىز جاعداي تىركەلگەن ەلدەردەن, سونىڭ ىشىندە ءۇندىستاننان كەلەتىن جولاۋشىلارعا ەرەكشە نازار اۋدارىلادى.

مينيسترلىكتىڭ مالىمەتىنشە, حالىقارالىق اۋەجايلاردا قوعامدىق دەنساۋلىق ساقتاۋ سالاسىنداعى توتەنشە جاعدايلار تۋىنداعان جاعدايدا ارەكەت ەتۋگە باعىتتالعان ۆەدومستۆوارالىق وقۋ-جاتتىعۋلار وتكىزىلىپ جاتىر.

«مەديتسينالىق ۇيىمدار جوعارى دايىندىق رەجيمىنە كوشىرىلدى. ولار ءدارى-دارمەك قورى, جەكە قورعانىش قۇرالدارى جانە دەزينفەكتسيالاۋ قۇرالدارىمەن تولىق قامتاماسىز ەتىلگەن», دەلىنگەن حابارلامادا.

بانگلادەشتە نيپاح ۆيرۋسىن جۇقتىرعان ايەل كوز جۇمدى

قىزىلشا اۋرۋى دا ءورشىپ بارادى

نيپاح ۆيرۋسىنان بولەك ەلدە قىزىلشا اۋرۋىنىڭ دا ءورشىپ تۇرعانى بايقالادى. 2025 جىلعى قاراشادان بەرى وسىم ءالى دە بايقالىپ وتىر. قازىر بۇل دەرت شىمكەنت قالاسىن قوسپاعاندا, قازاقستاننىڭ 19 وڭىرىندە تىركەلىپ وتىر.

ناۋقاستاردىڭ باسىم بولىگى – ۆاكتسينا الماعان بالالار. ولار بارلىق جاعدايدىڭ شامامەن 80%-ىن قۇرايدى. اۋىرعان بالالاردىڭ 58%-ى اتا-اناسىنىڭ باس تارتۋىنا بايلانىستى ەكپە الماعان.

قىزىلشانىڭ الدىن الۋدىڭ جالعىز ءتيىمدى جولى – ۆاكتسينا الۋ. اتا-انالارعا بالالاردىڭ ەكپە مارتەبەسىن ۇلتتىق ەگۋ كۇنتىزبەسىنە سايكەس تەكسەرىپ, قاجەت بولعان جاعدايدا تىركەلگەن ەمحاناعا جۇگىنۋ ۇسىنىلادى.

ەسكە سالايىق, 2026 جىلدىڭ باسىنان بەرى ەلدە 1 951 قىزىلشا جاعدايى تىركەلدى. اۋرۋدىڭ ەڭ كوپ سانى:

استانا قالاسىندا – 581 جاعداي; جامبىل وبلىسىندا – 339; الماتى قالاسىندا – 317; الماتى وبلىسىندا – 146 جاعداي.

نيپاح ۆيرۋسى انىقتالعان جاعدايدا الماتى اۋەجايى قالاي ارەكەت ەتەدى؟

جرۆي مەن تۇماۋ

2025 جىلعى 1 قىركۇيەكتەن باستاپ قازاقستاندا 3,3 ميلليوننان استام جرۆي جاعدايى تىركەلدى. مينيسترلىكتىڭ ءباسپاسوز قىزمەتىنىڭ حابارلاۋىنشا, بۇل وتكەن ماۋسىمنىڭ وسى كەزەڭىمەن سالىستىرعاندا 10%-عا از.

وسى ۋاقىت ىشىندە زەرتحانالىق تۇردە 3 018 تۇماۋ جاعدايى راستالدى. ولاردىڭ باسىم بولىگى A (H3N2) تۇماۋ ۆيرۋسىنا تيەسىلى – 2 958 جاعداي. سونىمەن قاتار:

A (H1N1) تۇماۋىنىڭ – 53 جاعدايى; B تۇماۋىنىڭ – 7 جاعدايى انىقتالدى.

تۇماۋعا قارسى ەكپە 2,27 ملن-نان استام ادامعا ەگىلدى, بۇل ەل حالقىنىڭ 11,13%-ىن قۇرايدى.

«مەكتەپتەر مەن باسقا دا وقۋ ورىندارى قالىپتى رەجيمدە جۇمىسىن جالعاستىرىپ وتىر. سىنىپتاعى وقۋشىلار اراسىنداعى اۋرۋشاڭدىق دەڭگەيى جالپى بالالار سانىنىڭ 20%-ىنان اسپايدى», دەلىنگەن حابارلامادا.