پاۆلودار وبلىسىنىڭ پوليتسەيلەرى وڭىردەگى اۆتوجولداردىڭ ساپاسىنا اۋقىمدى تەكسەرۋ جۇرگىزدى. تەك قاڭتار ايىنىڭ ىشىندە 3 مىڭ شاقىرىمنان استام جول قارالىپ, ناتيجەسىندە 200-دەن استام اقاۋ انىقتالعان, دەپ جازادى Egemen.kz.
جول-تەحنيكالىق ينسپەكتسيا قىزمەتكەرلەرى اۆتوكولىك جولدارىنىڭ جاي-كۇيىنە تۇراقتى باقىلاۋ جۇرگىزەدى.
12,3 ملرد تەڭگە شىعىن: تۇركىستان جولدارى نەگە مەرزىمىنەن بۇرىن بۇزىلعان؟
«تەك قاڭتار ايىندا جالپى ۇزىندىعى شامامەن 3 045 شاقىرىمدى قۇرايتىن اۆتوكولىك جولدارىندا 140 تەكسەرۋ جۇرگىزىلدى. ناتيجەسىندە 203 جول اقاۋى انىقتالدى. ءجولداردى تيىستى دەڭگەيدە ۇستاماعانى ءۇشىن 24 لاۋازىمدى جانە زاڭدى تۇلعا اكىمشىلىك جاۋاپكەرشىلىككە تارتىلدى. سونداي-اق تەحنيكالىق اقاۋى بار كولىكتى پايدالانۋعا شىعارعانى جانە بۇرىن جۇرگىزۋشى كۋالىگىنەن ايىرىلعان تۇلعاعا كولىك باسقارۋعا رۇقسات بەرگەنى ءۇشىن 8 ادام جازالاندى», دەپ حابارلادى پاۆلودار وبلىسى پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى باكىباي احمەديانوۆ.
ءتارتىپ ساقشىلارى اۋا رايىنىڭ قولايسىزدىعى كەزىندە قار جاۋىپ, بوران سوعىپ جانە كوكتايعاق بولعاندا كەمشىلىكتەر تىركەلەتىنىن ايتادى.
الماتى − قوناەۆ تاسجولى: اقىلى جولداردا كىمدەر تەگىن جۇرە الادى؟