ماڭعىستاۋ وبلىسىنىڭ پروكۋراتۋراسى وڭىردىڭ دەنساۋلىق ساقتاۋ سالاسىندا ميلليونداعان بيۋدجەت قاراجاتىن جىمقىرۋ سحەماسىن انىقتادى, دەپ جازادى Egemen.kz.
دەنساۋلىق ساقتاۋ نىساندارى ناۋقاستارعا كورسەتىلمەگەن مەديتسينالىق قىزمەت تۇرلەرىن تىركەپ وتىرعان. سونداي-اق, كەي مەكەمە ماماندارىنىڭ بىلىكتىلىك تالاپتارىنا ساي كەلمەيتىنى بەلگىلى بولعان. مەديتسينالىق مەكەمەلەردە سىبايلاس جەمقورلىققا قاتىستى دا قۇقىق بۇزۋشىلىقتار انىقتالعان.
ۇيىمداردىڭ ءبىرىن تەكسەرۋ بارىسىندا 600 ملن تەڭگەدەن استام بيۋدجەت قاراجاتىن جىمقىرۋ دەرەگى ايعاقتالعان. زاڭسىز يەلەنىلگەن قارجى ەنشىلەس ۇيىم قىزمەتكەرلەرىنىڭ شوتىنا اۋدارىلىپ كەلگەن.
ءىس جۇزىندە مەديتسينالىق مەكەمەگە جەتكىزىلمەگەن ءدارى-دارمەكتەر مەن مەديتسينالىق بۇيىمدار ءۇشىن دە اقى تولەۋ فاكتىلەرى تىركەلگەن.
ءمامس قارجىسىن جىمقىرعاندار سوتتالدى
اتالعان ءمان-جايلار بويىنشا وبلىس پروكۋراتۋراسى سوتقا دەيىنگى تەرگەپ-تەكسەرۋدى باستاعان.
بۇعان دەيىن استاناداعى كلينيكا مەن جەدەل جاردەم ستانتسياسىنىڭ قىزمەتكەرلەرى جىلدار بويى بيۋدجەت قارجىسىن جىمقىرىپ كەلگەنىن حابارلاعانبىز.