پرەزيدەنتتىڭ كەلىسىمىمەن جانە باس پروكۋروردىڭ بۇيرىعىمەن 3-سىنىپتى مەملەكەتتىك ادىلەت كەڭەسشىسى عابيت قاسىمبەك ۇلى مۇقانوۆ استانا قالاسىنىڭ پروكۋرورى لاۋازىمىنا تاعايىندالدى, دەپ حابارلايدى Egemen.kz.
عابيت قاسىمبەك ۇلى ەڭبەك جولىن الماتى وبلىسى كەربۇلاق اۋدانى پروكۋرورىنىڭ كومەكشىسى رەتىندە باستاعان. ءار جىلدارى الماتى وبلىسى تالعار اۋدانىنىڭ پروكۋرورى, الماتى قالاسى مەدەۋ اۋدانىنىڭ پروكۋرورى جانە استانا قالاسى پروكۋراتۋراسىنىڭ اپپارات باسشىسى-باسقارما باستىعى, استانا قالاسى پروكۋرورىنىڭ ورىنباسارى, باس پروكۋراتۋرانىڭ كادرلىق دامىتۋ دەپارتامەنتىنىڭ باستىعى لاۋازىمدارىن اتقارعان. 2021 جىلعى تامىزدان شىمكەنت قالاسىنىڭ پروكۋرورى لاۋازىمىندا قىزمەت ەتكەن.
شىمكەنت قالاسىنا جاڭا پروكۋرور تاعايىندالدى
عابيت مۇقانوۆ پروكۋراتۋرانىڭ قۇرمەتتى قىزمەتكەرى. ول قىزمەتتىك مىندەتتەرىن ءمىنسىز اتقارعانى ءۇشىن «جاۋىنگەرلىك ەرلىگى ءۇشىن» مەدالىمەن جانە II دارەجەلى «ايبىن» وردەنىمەن ناگرادتالعان.