شىمكەنت پوليتسياسى كاسىپكەردەن 20 ملن تەڭگە بوپسالاعان كۇدىكتىنى قولعا ءتۇسىردى. تەرگەۋ بارىسىندا كۇدىكتىنىڭ قوعامدىق تاماقتانۋ ورنىنا بىرنەشە رەت كەلىپ, نىساندى بەينەجازباعا ءتۇسىرىپ, كەيىن يەسىنە قىسىم كورسەتكەنى بەلگىلى بولدى, دەپ جازادى Egemen.kz.
كۇدىكتى كاسىپكەردى ءتۇرلى ۋاكىلەتتى ورگاندار تاراپىنان «تەكسەرۋ ۇيىمداستىرۋعا» تۇرتكى بولامىن, بيزنەسىڭدى جاپتىرامىن دەپ قورقىتقان.
مۇنداي ءىس-اركەتتى بولدىرماۋ ءۇشىن ءىرى كولەمدە قارجى تالاپ ەتكەن.
«جەدەل ءىس-شارالار بارىسىندا كۇدىكتى ۇستالىپ, ۋاقىتشا ۇستاۋ يزولياتورىنا قامالدى. بوپسالاۋ فاكتىسى بويىنشا قىلمىستىق ءىس قوزعالىپ, سوتقا دەيىنگى تەرگەۋ ارەكەتتەرى جۇرگىزىلىپ جاتىر», دەلىنگەن شىمكەنت قالالىق پوليتسيا دەپارتامەنتى ءباسپاسوز قىزمەتى تاراتقان حابارلامادا.
ايتا كەتەيىك, بۇگىن مەملەكەت باسشىسىنىڭ كەلىسىمىمەن جانە باس پروكۋروردىڭ بۇيرىعىمەن شىمكەنت قالاسىنا جاڭا پروكۋرور تاعايىندالدى.
بالالاردى ينەمەن قورقىتقان: شىمكەنتتە بالاباقشا تاربيەشىسىنىڭ ۇستىنەن قىلمىستىق ءىس قوزعالدى
بۇعان دەيىن شىمكەنتتىك بلوگەردىڭ اكىمدىك قىزمەتكەرىنەن 10 ملن تەڭگە بوپسالاعانىن حابارلاعانبىز.