جەدەل-ىزدەستىرۋ شارالارى بارىسىندا 6 اقپان كۇنى استانا قالاسىنداعى تۇرعىن ءۇي كەشەندەرىنىڭ بىرىندە 30 جاستاعى ەر ادام مەن ونىڭ سىبايلاسى بولۋى مۇمكىن 46 جاستاعى تاعى ءبىر كۇدىكتى قولعا ءتۇستى, دەپ حابارلايدى Egemen.kz.
ىشكى ىستەر مينيسترلىگىنىڭ مالىمەتىنشە, اقپان ايىنىڭ باسىندا كۇدىكتىلەر قاراعاندى قالاسىنداعى گۋدەرمەتسكايا كوشەسىندە ورنالاسقان جەكە تۇرعىن ۇيگە زاڭسىز كىرىپ, 8 التىن بۇيىمدى, شامامەن 150 مىڭ تەڭگە كولەمىندەگى اقشانى جانە 200 اقش دوللارىن ۇرلاعان.
ءتىنتۋ بارىسىندا كۇدىكتىلەردەن التىن ساقينالار, شامامەن 400 مىڭ تەڭگە كولەمىندەگى قاراجات, ءتۇرلى تەلەفون جانە بۇكتەلمەلى پىشاقتار تاركىلەندى.
اتالعان دەرەك بويىنشا قىلمىستىق ءىس قوزعالىپ, سوتقا دەيىنگى تەرگەۋ جۇرگىزىلىپ جاتىر.
ايتا كەتەيىك, بۇعان دەيىن تۇركىستاندا 21 ادامدى 125 ملن تەڭگەگە الداعان قىلمىستىق توپ انىقتالعانىن جازعان ەدىك.