پرەزيدەنت قاسىم-جومارت توقاەۆ جاپونيانىڭ سولتۇستىك وڭىرىندە جاۋعان قالىڭ قار سالدارىنان كوپتەگەن ادامنىڭ قازا تابۋىنا بايلانىستى پرەمەر-مينيستر ساناە تاكايچيگە كوڭىل ايتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«وسىنداي قيىن ساتتە قايعىلارىڭىزعا ورتاقتاسىپ, سىزگە جانە جاپونيا حالقىنا كوڭىل ايتامىن. قايتىس بولعان ازاماتتاردىڭ جاقىن-جۋىقتارىنا سابىر, زارداپ شەككەن وتانداستارىڭىزدىڭ تەزىرەك ساۋىعىپ كەتۋىن تىلەيمىن», دەلىنگەن جەدەلحاتتا.
بۇعان دەيىن مەملەكەت باسشىسى پاكىستاننىڭ پرەزيدەنتى مەن پرەمەر-مينيسترىنە كوڭىل ايتۋ جەدەلحاتىن جولداعان ەدى.