اقتوبە. 26 ناۋرىز. اقتوبە وبلىسىنىڭ اكىمى ارحيمەد مۇحامبەتوۆتىڭ وكىمىمەن قارجاۋباي ىبرايم ۇلى «اقتوبە وبلىستىق اۋىلشارۋاشىلىعى باسقارماسى» مم-ءنىڭ باسشىسى قىزمەتىنە تاعايىندالدى. بۇل تۋرالى egemen.kz ءتىلشىسى حابارلادى.
قارجاۋباي ىبرايم ۇلى 1957 جىلى دۇنيەگە كەلگەن. الماتى حالىق شارۋاشىلىعى ينستيتۋتىن ەكونوميست ماماندىعى بويىنشا بىتىرگەن. ەڭبەك جولىن 1973 جىلى كومسومول (قازىرگى ايتەكە بي) اۋدانى پسكوۆ سوۆحوزىندا جۇمىسشى بولىپ باستاعان. ءار جىلدارى اۋداندىق جانە وبلىستىق قارجى جانە سالىق ورگاندارىندا جۇمىس ىستەدى. 2002-2011 جىلدارى ايتەكە بي اۋدانى اكىمىنىڭ ورىنباسارى, 2011 جىلدان بۇگىنگە دەيىن اقتوبە وبلىستىق ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارى قىزمەتىن اتقاردى.
ساتىبالدى ءساۋىرباي.
دەرەك, سۋرەت: egemen.kz.