تجم قىزمەتكەرلەرى وتكەن جەتى تاۋلىك ىشىندە قار قۇرساۋىندا قالىپ قويعان 100-گە جۋىق ادامدى ەۆاكۋاتسيالادى, دەپ حابارلايدى Egemen.kz.
اۋا رايىنىڭ ناشارلاۋىنا بايلانىستى تجم قۇتقارۋشىلارى قار قۇرساۋىنان 96 ادامدى, ونىڭ ىشىندە 9 بالانى قۇتقارىپ, سونداي-اق 18 اۆتوكولىكتى شىعاردى.
ايتا كەتەيىك, اۋا رايىنىڭ ناشارلاۋى تۋرالى داۋىلدى ەسكەرتۋلەر مەن اۆتوجولداردىڭ جابىلۋى تۋرالى اقپارات حالىققا سمس-حابارلامالار, تجم, اۋماقتىق بولىمشەلەردىڭ ينتەرنەت-رەسۋرستارى جانە الەۋمەتتىك جەلىلەرى ارقىلى جەتكىزىلەدى.
«تجم ازاماتتاردى ساقتىق شارالارىن ساقتاۋعا, داۋىلدى ەسكەرتۋلەردى قاداعالاۋعا جانە قولايسىز اۋا رايى جاعدايىندا الىس ساپارلارعا شىقپاۋعا شاقىرادى. اۋىل تۇرعىندارىنا اۋا-رايىنىڭ ناشارلاۋى جاعدايىندا ۇزاق سەرۋەندەمەۋگە كەڭەس بەرەدى», دەلىنگەن ۆەدومستۆو حابارلاماسىندا. بۇگىن اۋا رايى قانداي بولادى؟