قاسىم-جومارت توقاەۆ يسلامابادتاعى لاڭكەستىك اكتىنىڭ سالدارىنان كوپتەگەن ادامنىڭ قازا تابۋىنا بايلانىستى پرەزيدەنت اسيف الي زارداري مەن پرەمەر-مينيستر شاحباز شاريفكە كوڭىل ايتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«قازاقستان پرەزيدەنتى قاستاندىق ارەكەتتى قاتاڭ ايىپتادى. سونىمەن قاتار قۇربان بولعان ازاماتتار مەن جاراقات العان ادامداردىڭ تۋعان-تۋىستارىن سابىرعا شاقىرىپ, پاكىستان حالقىنىڭ قايعىسىنا ورتاق ەكەنىن جەتكىزدى», دەلىنگەن حابارلامادا.
ايتا كەتەيىك, پاكىستاننىڭ استاناسى يسلامابادتا ورنالاسقان حاديدجا-تۋل-كۋبرا مەشىتىنىڭ ماڭىندا جۇما نامازى كەزىندە جارىلىس بولىپ, سالدارىنان كەمىندە 31 ادام قازا تاپتى.