وتكەن جىلدىڭ قورىتىندىسى بويىنشا قازاقستاندا كومىر ءوندىرۋ كولەمى اقشالاي ماندە رەكوردتىق 683,7 ملرد تەڭگەنى قۇراپ, 2024 جىلعى قاڭتار-جەلتوقسانمەن سالىستىرعاندا 27,1%-عا ارتقان (فيزيكالىق كولەم يندەكسى – 110,1%). ءبىر جىل بۇرىن دا ءوسىم بايقالعان, الايدا ول نەبارى 2,1% بولعان ەدى (فيزيكالىق كولەم يندەكسى – 102,9%), دەپ حابارلايدى Egemen.kz.
ناتۋرالدى كورسەتكىشتە, ليگنيت پەن كومىر كونتسەنتراتىن قوسا العاندا, تاس كومىر ءوندىرۋ كولەمى 2025 جىلدىڭ قاڭتار-جەلتوقسان ايلارىندا 120,5 ملن توننانى قۇرادى. بۇل سوڭعى 10 جىلداعى ەڭ جوعارى كورسەتكىش. 2024 جىلدىڭ سايكەس كەزەڭىمەن سالىستىرعاندا ءوندىرىس كولەمى 7,1%-عا ءوستى.
وتاندىق كومىر شاحتالارى ىشكى نارىقتاعى سۇرانىستى (ەل ىشىندەگى وتكىزۋ مەن ەكسپورتتى قوسا العاندا) 100% دەرلىك قامتاماسىز ەتىپ وتىر. 2025 جىلدىڭ قاڭتار-قاراشا ايلارىندا 107,7 ملن توننا كومىر ءوندىرىلدى, جىلدىق ءوسىم – 6,4%. وسى كەزەڭدە يمپورت كولەمى 3-تەن 1-ىنە قىسقارىپ, 620,2 مىڭ تونناعا دەيىن ازايدى.
كومىر كەنىن جانداندىرعان ىسكەر جان
كومىر ەكسپورتىقازاقستاندا كومىر ەكسپورتى 6,2%-عا ءوسىپ, 2025 جىلدىڭ قاڭتار-قاراشا ايلارىندا 28,1 ملن توننانى قۇرادى. ال ىشكى نارىقتا كومىر ساتۋ كولەمى 5,9%-عا ارتىپ, 80,3 ملن تونناعا جەتتى.
2025 جىلعى جەلتوقسان ايىنىڭ قورىتىندىسى بويىنشا تاس كومىردىڭ باعاسى 1 ايدا 0,6%-عا, ال 1 جىلدا 8,7%-عا قىمباتتادى. سالىستىرۋ ءۇشىن ايتساق, 1 جىل بۇرىن ايلىق ءوسىم 0,7%, جىلدىق ءوسىم 8,6% بولعان.
وڭىرلەر بويىنشا تاس كومىردىڭ جىلدىق قىمباتتاۋى 0,7%-دان (قاراعاندى وبلىسى) 27,4%-عا دەيىن (اقتوبە وبلىسى) وزگەردى. ايتارلىقتاي جىلدىق باعا ءوسىمى استانادا (20,1%), جەتىسۋ وبلىسىندا (16,2%) جانە الماتىدا (15,9%) تىركەلدى.
2027 جىلدان باستاپ الماتىدا كومىرگە سۇرانىس نولگە دەيىن تومەندەۋى مۇمكىنايتا كەتۋ كەرەك, 2027 جىلدان باستاپ الماتىدا كومىرگە دەگەن سۇرانىس تەوريالىق تۇرعىدا نولگە دەيىن تومەندەۋى مۇمكىن. قالادا اتموسفەرالىق اۋانى قورعاۋعا ارنالعان جاڭا ەرەجەلەر بەكىتىلدى. اتاپ ايتقاندا, گازداندىرىلعان ءارى «لاستاۋشى زاتتاردىڭ شىعارىندىلارى تومەن» ايماقتاردا جەكە سەكتوردا مونشا جاعۋعا جانە عيماراتتاردى قاتتى (كومىر مەن وتىن) نەمەسە سۇيىق وتىنمەن جىلىتۋعا تىيىم سالىنادى. قازىرگى ۋاقىتتا جەكە سەكتوردىڭ گازداندىرىلۋ دەڭگەيى 99,4%-دى قۇرايدى.
شۇباركول كومىرى قايدا جونەلتىلەدى؟
كومىر باعاسى2025 جىلعى جەلتوقساندا قازاقستان بويىنشا تاس كومىردىڭ ورتاشا بولشەك باعاسى ءبىر تونناسىنا 19,8 مىڭ تەڭگە بولدى. ەڭ ارزان كومىر قاراعاندىدا ساتىلدى – ءبىر تونناسى 16,9 مىڭ تەڭگە. ودان كەيىن پەتروپاۆل مەن وسكەمەن قالالارى تۇر – ارقايسىندا 17,2 مىڭ تەڭگەدەن.
ەڭ قىمبات كومىر اقتوبەدە تىركەلدى – ءبىر تونناسى 25,5 مىڭ تەڭگە. كەيىنگى ورىنداردا تۇركىستان (23,1 مىڭ تەڭگە) مەن قوناەۆ (23 مىڭ تەڭگە) قالالارى تۇر. الماتىدا 2025 جىلعى جەلتوقساندا تاس كومىردىڭ ءبىر تونناسى 20 مىڭ تەڭگە بولدى.
كومىرمەن كومكەرىلگەن اشەكەيلەر