استانانىڭ نۇرا اۋدانى اكىمدىگىندە جاڭا كونستيتۋتسياعا ەنگىزىلگەن وزگەرىستەرگە ارنالعان اشىق قوعامدىق تالقىلاۋ ءوتتى, دەپ حابارلايدى Egemen.kz.
جيىنعا اۋدان اكىمى ريشات تۇردىبەكوۆ, استانا قالاسى قوعامدىق كەڭەسىنىڭ توراعاسى, كونستيتۋتسيالىق كوميسسيا مۇشەسى زۇلفۋحار عايىپوۆ جانە اۋداندىق باسقارمالار مەن ءبولىم باسشىلارى, پارتيا حاتشىلارى مەن قوعام بەلسەندىلەرى سونداي-اق ءبىلىم بەرۋ مەكەمەلەرىنىڭ ديرەكتورلارى قاتىستى.
ء«بىزدىڭ ماقسات – ازاماتتاردىڭ, ساياسي پارتيالاردىڭ, قوعامدىق ۇيىمدار مەن ساراپشىلاردىڭ ۇسىنىستارىن جان-جاقتى تالداۋ. پرەزيدەنت بىلتىرعى جولداۋىندا ءبىر پالاتالى پارلامەنتكە كوشۋ كوزدەلگەن كونستيتۋتسيالىق رەفورمانى وتكىزۋدى ۇسىندى. بۇل باستاما ساياسي جۇيەنى كەشەندى تۇردە قايتا جاڭعىرتۋعا جانە جاساندى ينتەللەكت داۋىرىندە ەلىمىزدىڭ تۇراقتى الەۋمەتتىك-ەكونوميكالىق دامۋىنا جاعداي جاساۋعا باعىتتالعان», دەدى ريشات تۇردىبەكوۆ.
اتا زاڭنىڭ جاڭا جوباسى پرەامبۋلا, 11 ءبولىم, 95 باپتان تۇرادى.
«كەي بولىمدەر ءبىرىنشى رەت قوسىلىپ وتىر. ەكىنشىدەن, بۇل نۇسقانىڭ پرەامبۋلاسى كىرىسپەسى جاڭادان جازىلىپ شىقتى. كىرىسپە ء«بىز, بىرتۇتاس قازاقستان حالقى بايىرعى قازاق جەرىندە مەملەكەتتى نىعايتا وتىرىپ, ۇلى دالانىڭ مىڭجىلدىق تاريحىن ساباقتاستىعىن ساقتاپ…» دەپ باستالادى. جاڭا كونستيتۋتسيادا ارنايى 30-باپ ەنگىزىلدى. مۇندا «نەكە ەر مەن ايەلدىڭ مەملەكەتتىك زاڭعا سايكەستىركەلگەن ەرىكتى وداعى» دەپ جازىلعان. پارلامەنت ءبىرپالاتالى بولادى. ونىڭ اتاۋى – قۇرىلتاي. سونداي-اق جاڭا ساياسي ينستيتۋت –قازاقستان حالىق كەڭەسىقۇرىلادى», دەدى زۇلفۋحار عايىپوۆ.