دەۆيس كۋبوگى شەڭبەرىندە قازاقستان مەن موناكو قۇرامالارى اراسىنداعى ماتچ قارساڭىندا وتكەن جەرەبە تارتۋ ءراسىمى بۇل جولى ۇلتتىق ناقىشقا باي مازمۇنمەن ءورىلدى, دەپ جازادى Egemen.kz.
قازاقستان تەننيس فەدەراتسياسىنىڭ مالىمەتىنشە, سالتاناتتى جيىندا قوس قۇرامانىڭ كاپيتاندارى – دياس دوسقاراەۆ پەن گيوم كۋيار ءسوز سويلەپ, كوماندالار ءبىر-بىرىنە ەستەلىك سىيلىقتار تارتۋ ەتتى. بۇل – ءوزارا قۇرمەت پەن سپورتتىق بىرلىكتىڭ بەلگىسى.
تەننيسشى الەكساندر بۋبليك ءبىر ماۋسىمدا 34 رەت جەڭىسكە جەتتى
ۇلتتىق ويىندار مەن رۋحاني تانىسۋكەزدەسۋدىڭ ەرەكشە بولىگى – موناكودان كەلگەن قوناقتاردى قازاق مادەنيەتىمەن تانىستىرۋ بولدى. تەننيسشىلەر ءۇشىن اسىق اتۋ مەن لاڭگى سەكىلدى ۇلتتىق ويىندار ۇيىمداستىرىلىپ, قاتىسۋشىلار ءداستۇرلى ويىنداردى سىرتتاي تاماشالاپ قانا قويماي, وزدەرى دە ويناپ كوردى. بۇل باستاما شەتەلدىك سپورتشىلارعا قازاقتىڭ رۋحاني مۇراسىن جاقىننان سەزىنۋگە مۇمكىندىك بەردى.
بۋبليك توپ-10-دىقتا
تۇساۋ كەسۋ – سيمۆولدىق ءساتءىس-شارانىڭ شارىقتاۋ شەگى قازاقستاننىڭ ەڭ تانىمال تەننيسشىسى الەكساندر بۋبليكتىڭ «تۇساۋ كەسۋ» راسىمىنە قاتىسۋى بولدى. كونە ءداستۇر بويىنشا, بۇل عۇرىپ 1 جاسقا تولعان بالانىڭ الداعى ءومىر جولى اشىق, قادامى نىق بولسىن دەگەن نيەتپەن جاسالادى. تۇساۋدى كەسۋ مارتەبەسى جولى ۇلگى بولارلىق, قاسيەتى جۇعىستى ادامعا سەنىپ تاپسىرىلادى.
ۇلتتىق سالتتىڭ وسىنداي سيمۆولدىق كورىنىسى سپورت پەن مادەنيەتتىڭ ءوزارا ۇندەسۋىن ايقىن كورسەتتى. بۇل – حالىقارالىق تۋرنير اياسىندا قازاق ءداستۇرىن دارىپتەۋدىڭ اسەرلى ۇلگىسى.
ايتا كەتەيىك, وسى كۇنى قازاقستان – موناكو ماتچىنا ارنالعان رەسمي جەرەبە تارتۋ ءراسىمى دە ءوتتى. دەۆيس كۋبوگى تەك سپورتتىق تارتىس قانا ەمەس, حالىقتاردى جاقىنداستىراتىن مادەني الاڭ ەكەنىن تاعى ءبىر مارتە ايعاقتادى.
الەكساندر بۋبليك Australian Open ءتۋرنيرىنىڭ ءتورتىنشى اينالىمىنا شىقتى