تاياۋ كۇندەرى قورعانىس مينيسترلىگىنىڭ دەلەگاتسياسى ينسپەكتسيالىق ساپارمەن گولان جوتالارىنداعى بۇۇ كۇشتەرىنىڭ بولىنگەن ايماقتى باقىلاۋ جونىندەگى ميسسيا ورىندالاتىن وڭىرگە باردى, دەپ حابارلايدى Egemen.kz.
قارۋلى كۇشتەر قۇرلىق اسكەرلەرىنىڭ باس قولباسشىسى, گەنەرال-مايور مەرەكە كوشەكباەۆتىڭ جەتەكشىلىگىمەن وتكەن ساپار بارىسىندا ميسسيا قولباسشىلىعىمەن كەزدەسۋ ءوتىپ, ونىڭ شەڭبەرىندە بىرىككەن ۇلتتار ۇيىمىنىڭ بولىنگەن ايماقتى باقىلاۋ مانداتىن ىسكە اسىرۋ ماسەلەلەرى, وڭىردەگى احۋال مەن وتاندىق كونتينگەنتتىڭ قىزمەتى تالقىلاندى.
گولان جوتالارىندا قازاقستاننىڭ قانشا بىتىمگەرى قىزمەت ەتەدى؟
ميسسيا باسشىسى جانە بۇۇ بولىنگەن ايماقتى باقىلاۋ جونىندەگى كۇشتەرىنىڭ قولباسشىسى, گەنەرال-مايور انيتا اسما قازاق بىتىمگەرلەرىنە قويىلعان مىندەتتەردى ساپالى ورىنداعانى ءۇشىن العىسىن ايتىپ, ولاردىڭ ءىس-قيمىلىن, كاسىبيلىگىن, ءتارتىبى مەن ۇيلەسىمدى ارەكەتىن جوعارى باعالادى.
گولان جوتالارىندا مىڭنان اسا قاۋىپتى زات تابىلدى
ول جەردە ءبىزدىڭ ۇلتتىق كونتينگەنت جەدەل ارەكەت ەتۋ بولىمشەسىنىڭ فۋنكتسيالارىن ورىنداپ, ءموبيلدى پاترۋلدەۋدى جۇزەگە اسىرۋ, جەدەل ارەكەت ەتۋ توپتارىنىڭ دايىندىعىن, مەديتسينالىق ەۆاكۋاتسيالاۋ مەن ينجەنەر-ساپەرلەردىڭ ىلەسىپ ءجۇرۋىن قامتاماسىز ەتۋ سەكىلدى تاپسىرمالاردى ورىنداپ جاتىر. ودان باسقا باقىلاۋ بەكەتتەرىندە دە ءتيىستى مىندەتتەردى ورىندايدى.
ميسسيا باستالعالى بەرى ۇلتتىق كونتينگەنت 675 وپەراتسيانى ءساتتى ورىندادى. قازىرگى ۋاقىتتا گولان جوتالارىندا 139 وتاندىق بىتىمگەر قىزمەت ەتىپ ءجۇر.