اقتوبە تۇرعىنىنا WhatsApp ارقىلى حابارلاسقان بەلگىسىز ادام سالىق جۇيەسىندە قايتا تىركەلۋ قاجەتتىگىن ايتىپ, الداپ كەتكەن, دەپ حابارلايدى Egemen.kz.
الاياق ءراسىمدى جەدەلدەتۋ ءۇشىن UCH سەرۆيسىنەن كەلگەن سمس-كودتى حابارلاۋدى سۇرايدى. وسىدان كەيىن دەرەۋ جابىرلەنۋشىگە ءوزىن قارجىلىق مونيتورينگ قىزمەتكەرى رەتىندە تانىستىرعان بەلگىسىز ادام قوڭىراۋ شالىپ, ونىڭ اتىنا بارلىق بانكتەردە نەسيە راسىمدەلىپ جاتقانىن جەتكىزگەن.
اقتوبە قالاسىنىڭ تۇرعىنى الاياققا 20 ملن تەڭگەسىن اۋدارىپ قويعان
الاياقتاردىڭ نۇسقاۋىن ورىنداعان ايەل بانكتەگى بارلىق قاراجاتىن شەشىپ, وعان قوسا ونلاين نەسيە راسىمدەپ, اۆتوكولىگىن دە كەپىلگە قويعان. الدانعانىن تۇسىنگەن ايەل پوليتسيا دەپارتامەنتىنە شاعىمدانىپ, قازىر اتالعان دەرەك بويىنشا تەرگەۋ امالدارى جۇرگىزىلىپ جاتىر. جابىرلەنۋشىگە كەلتىرىلگەن شىعىن – 12 ملن تەڭگە.
الاياقتار ادەتتە قانداي ءسوز تىركەستەرىن قولدانادى؟
پوليتسيا دەپارتامەنتى الاياقتاردىڭ مەملەكەتتىك ورگاندار مەن قارجى ۇيىمدارىنىڭ اتىنان حابارلاسۋلارى جيىلەپ كەتكەنىن ەسكەرتەدى. سول ءۇشىن تەلەفونعا كەلگەن سمس-كودتاردى جانە جەكە دەرەكتەردى بوگدە ادامدارعا تاراتپاۋ كەرەك.