ايەلدەر اراسىندا الەمنىڭ بەسىنشى, ەلىمىزدىڭ ەڭ ۇزدىك تەننيسشىسى ەلەنا رىباكينا اۋستراليا اشىق چەمپيوناتىندا ءساتتى ونەر كورسەتىپ جاتىر. ول شيرەك فينالدا الەمنىڭ ەكىنشى راكەتكاسى, پولشا وكىلى يگا شۆەنتەكتى قاپى قالدىردى, دەپ جازادى Egemen.kz.
ەلەنا رىباكينا مەن يگا شۆەنتەك بۇعان دەيىن ءوزارا 11 رەت كەزدەسىپ, ونىڭ التاۋىندا پولشالىقتىڭ اسىعى الشىسىنان تۇسكەن.
بۇل جولى شيرەك فينالدىڭ ءبىرىنشى سەتىندە قارسىلاستار تەڭ ويىن كورسەتكەنمەن, سوڭعى مينۋتتا وتانداسىمىز برەيك جاساپ, ەسەپتى 7:5-كە وزگەرتتى.
ەكىنشى سەتتە ەلەنا رىباكينا ايقىن باسىمدىقپەن العا شىعىپ, 6:1 ەسەبى تىركەلدى.
ەلەنا رىباكينانىڭ WTA 500 تۋرنيرىندەگى قارسىلاستارى بەلگىلى بولدى
ءبىر ساعات 35 مينۋتقا سوزىلعان تارتىستا جەرلەسىمىز جەڭىسكە جەتىپ, مانسابىندا ەكىنشى رەت Australian Open ءتۋرنيرىنىڭ جارتىلاي فينالىنا جولداما الدى.
ەندى ەلەنا حالىقارالىق بەدەلدى ءتۋرنيردىڭ فينالىنا شىعۋ ءۇشىن امەريكالىقتار, الەمنىڭ 4-ءشى راكەتكاسى اماندا انيسيموۆا مەن دجەسسيكا پەگۋلا جۇبىنىڭ جەڭگەنىمەن كەزدەسەدى.
ەلەنا رىباكينا WTA قورىتىندى تۋرنيرىندە قانشا تابىس تاپتى