كونستيتۋتسيالىق كوميسسيانىڭ ءۇشىنشى وتىرىسىندا ءال-فارابي اتىنداعى قازۇۋ پروفەسسورى, زاڭ عىلىمدارىنىڭ دوكتورى ەركىن دۇيسەنوۆ جالپى ەرەجەلەر مەن ادام قۇقىقتارى مەن بوستاندىقتارىنا قاتىستى بولىمدەردى تۇزەتۋدىڭ نەگىزگى باعىتتارىن ايتتى, دەپ حابارلايدى Egemen.kz.
ە.دۇيسەنوۆتىڭ پىكىرىنشە, «جالپى ەرەجەلەر» ءبولىمىن «كونستيتۋتسيالىق قۇرىلىس نەگىزدەرى» دەپ قايتا اتاۋ ەرەكشە ماڭىزدى.
«جالپى ەرەجەلەر» ءبولىمىنىڭ اتاۋىن «كونستيتۋتسيالىق قۇرىلىستىڭ نەگىزدەرى» دەپ وزگەرتۋدى تولىق قولدايمىن. بۇل ءبولىم قازاقستان مەملەكەتتىلىگىنىڭ ىرگەتاسى تۋرالى, سوندىقتان ءبىز مەملەكەتتىلىكتىڭ قاعيداتتارى مەن تاسىلدەرىن كوتەرمەلەپ قانا قويماي, كونستيتۋتسيالىق-قۇقىقتىق جولداۋلار ارقىلى ازاماتتاردىڭ ناقتى قۇقىقتىق ساناسىن قالىپتاستىرۋعا ءتيىسپىز», دەدى ول.
ن.شاتالوۆ: كونستيتۋتسيالىق رەفورما شەڭبەرىندە ءسوز بوستاندىعى جانە بەيبىت جينالىستار قۇقىعى ساقتالادى
ەكىنشى ماڭىزدى تۇزەتۋ – ەڭبەك قۇقىعىن ناقتىلاۋ.
«ەڭبەك بوستاندىعىن ەمەس, ەڭبەككە قۇقىقتى كورسەتۋ تۋرالى ۇسىنىستى قولدايمىن. بۇل قازاقستان راتيفيكاتسيالاعان ەكونوميكالىق, الەۋمەتتىك جانە مادەني قۇقىقتار تۋرالى حالىقارالىق پاكتىگە سايكەس كەلەدى. باسقا قاتىسۋشى مەملەكەتتەر ءار ادامنىڭ ناقتى ەڭبەك ەتۋ قۇقىعىن مويىندايدى», دەدى پروفەسسور.
ب.التىنبەكوۆ: كونستيتۋتسيالىق رەفورما – دامۋدىڭ جاڭا باعىتىن تاڭداۋ
سونىمەن قاتار, ەركىن دۇيسەنوۆ كونستيتۋتسيادا نەكە نورماسىن بەكىتۋدى دە قولدادى.
«نەكە ەرلەر مەن ايەلدەردىڭ زاڭعا سايكەس مەملەكەت تىركەگەن ەرىكتى جانە تەڭ قۇقىقتى وداعى بولىپ تابىلادى دەگەن نورمانى ەنگىزۋدى قولدايمىن. مۇنداي ءتاسىل زايىرلى مەملەكەتتىڭ ساياساتىنا, تەڭدىك پەن كەمسىتپەۋشىلىككە, سونداي-اق ۇلتىمىزدىڭ رۋحاني-ادامگەرشىلىك كودىنا سايكەس كەلەدى», دەدى ول.
بۇل تۇزەتۋلەر ازاماتتاردىڭ قۇقىقتارى مەن بوستاندىقتارىن ناقتىلاۋ ارقىلى كونستيتۋتسيالىق نەگىزدەردى ءارى نىعايتۋعا باعىتتالعان ماڭىزدى قادام رەتىندە قاراستىرىلادى.
ادام قۇقىقتارى جونىندەگى ۋاكىل: ءومىر ءسۇرۋ قۇقىعى مەن ءادىل سوت – كونستيتۋتسيانىڭ ىرگەتاسى