SpaceX باس ديرەكتورى يلون ماسكتىڭ مارستا تۇراقتى ادام كولونياسىن قۇرۋ جانە عارىشتا دەرەكتەر ورتالىقتارىن ىسكە قوسۋ جوسپارى ورىندالسا, قوسىمشا سىياقىعا يە بولۋى مۇمكىن. بۇل تۋرالى اقش-تىڭ باعالى قاعازدار جانە بيرجا كوميسسياسىنا جولدانعان قۇجاتتا ايتىلعان, دەپ حابارلايدى Egemen.kz.
Bloomberg اگەنتتىگىنىڭ مالىمەتىنشە, قاڭتار ايىندا كومپانيا ديرەكتورلار كەڭەسى ماسككە ناتيجەگە نەگىزدەلگەن 1 ميلليارد Class B ساناتىنداعى اكتسيا بولگەن. بۇل پاكەت 15 بولىككە بولىنگەن. تولىق سىياقىنى الۋ ءۇشىن كومپانيانىڭ نارىقتىق قۇنى 7,5 ترلن دوللارعا جەتىپ, مارستا كەمىندە 1 ميلليون ادام تۇراتىن تۇراقتى كولونيا قۇرىلۋى قاجەت.
قازىر ماسك كومپانياداعى داۋىس بەرۋ قۇقىعىنىڭ 85,1% يەلەنىپ وتىر. بۇل وعان SpaceX-ءتىڭ جاساندى ينتەللەكت, سپۋتنيك جانە عارىشتىق ۇشىرۋ ستراتەگياسىن تولىق باقىلاۋدا ۇستاۋعا مۇمكىندىك بەرەدى.
وتكەن جىلى كاسىپكەر قازىرگى جانە بۇرىنعى قىزمەتكەرلەردەن 1,4 ملرد دوللار كولەمىندە اكتسيا ساتىپ الىپ, كومپانياداعى ۇلەسىن ۇلعايتقان.
يلون ماسك OpenAI-عا قارسى سوتتا جەڭىلىپ قالدى
سونىمەن قاتار بىلتىر قاراشادا ماسككە ناتيجەگە تاۋەلدى تاعى 302,1 ميلليون اكتسيا بەرىلگەن. بۇل اكتسيالار 12 كەزەڭ بويىنشا راسىمدەلەدى.
اتالعان سىياقىنى الۋ ءۇشىن كومپانيانىڭ نارىقتىق قۇنى 6,565 ترلن دوللاردان اسۋى جانە جەردەن تىس كەڭىستىكتە جىلىنا 100 تەراۆاتت ەسەپتەۋ قۋاتىن قامتاماسىز ەتەتىن دەرەكتەر ورتالىقتارىن ىسكە قوسۋى كەرەك.
Tesla Inc. باسشىسى بولىپ سانالاتىن ماسك جەتەكشىلىك ەتەتىن SpaceX كەلەسى ايدا رەكوردتىق IPO وتكىزۋدى جوسپارلاپ وتىر.
بۇعان دەيىن يلون ماسك فرانتسيادا قاماۋعا الىنۋى مۇمكىن ەكەنى تۋرالى حابارلاعانبىز.