بولگاريا پرەزيدەنتتىك ينستيتۋتىنىڭ 33 جىلدىق شەجىرەسىندە العاش رەت مەملەكەت تىزگىنى ايەل ادامعا ءوتتى. 61 جاستاعى يليانا يوتوۆا ەل تاريحىنداعى التىنشى مەملەكەت باسشىسى ءارى قارۋلى كۇشتەردىڭ جوعارعى باس قولباسشىسى رەتىندە قىزمەتىنە رەسمي تۇردە كىرىستى, دەپ حابارلايدى Egemen.kz.
بۇل اۋقىمدى ساياسي اۋىس-ءتۇيىس ەلدەگى تەرەڭ ساياسي داعدارىس اياسىندا جۇزەگە اسىپ وتىر. بۇرىنعى پرەزيدەنت رۋمەن رادەۆ مەملەكەت ىشىندەگى تۇراقسىزدىقتى ەڭسەرۋگە مۇمكىندىك بەرۋ ماقساتىندا ءوز ەركىمەن وتستاۆكاعا كەتكەن بولاتىن.
23 قاڭتارداعى كونستيتۋتسيالىق سوتتىڭ شەشىمى مەن نەگىزگى زاڭنىڭ تالاپتارىنا سايكەس, ۆيتسە-پرەزيدەنت يليانا يوتوۆا وكىلەتتىك مەرزىمى اياقتالعانعا دەيىن پرەزيدەنت مىندەتىن اتقارۋعا ءتيىس.