قازاقستاننىڭ جۇپتىق سىنداعى ءبىرىنشى راكەتكاسى اننا دانيلينا اۆستراليانىڭ اشىق چەمپيوناتىندا (Australian Open) جانكۇيەرلەردى كەزەكتى جەڭىسىمەن قۋانتتى. وتانداسىمىز سەربيالىق الەكساندرا كرۋنيچپەن بىرگە ءتۋرنيردىڭ 1/8 فينالىندا جەڭىسكە جەتىپ, شيرەك فينالعا قادام باستى, دەپ حابارلايدى Egemen.kz.
Sports.kz مالىمەتىنشە, ءتۋرنيردىڭ 1/8 فينالىندا اننا دانيلينا سەربيالىق الەكساندرا كرۋنيچپەن بىرگە الاڭ يەلەرى – ستورم حانتەر مەن مايا دجوينتتان قۇرالعان اۆستراليالىق دۋەتكە قارسى ويناپ, ەكى ساتتە جەڭىسكە جەتتى – 7:5, 7:6 (8:6). ايتا كەتەرلىگى, العاشقى پارتيادا دانيلينا مەن كرۋنيچ 2:5 ەسەبىمەن ۇتىلىپ جاتقانىمەن, جاعدايدى وزگەرتىپ, كامبەك جاسادى.
كەزدەسۋ 2 ساعات 13 مينۋتقا سوزىلدى. ءسويتىپ, قازاقستان-سەربيا جۇبى شيرەك فينالعا جولداما الدى. بۇل كەزەڭدە ولار چەحيالىق كاتەرينا سينياكوۆا مەن اقش وكىلى تەيلور تاۋنسەندتەن قۇرالعان مىقتى جۇپپەن كەزدەسەدى.