ەكىباستۇزداعى الىپ مۇرجا

«ب.نۇرجانوۆ اتىنداعى ەكىباستۇز ماەس-1» جشس-نىڭ باس ديرەكتورى اسان ناۋرىز­عا­ليەۆتىڭ ايتۋىنشا, بىلتىر قازان-قاراشا ايلارىندا قۇرىلىس-مونتاج جۇمىسىنا, تەح­­نيكالىق جانە اۆتورلىق قادا­عا­لاۋعا كەلىسىمشارتتار جاسا­­لىپ, جاۋاپتى ورگانداردان قۇرى­­لىس­تى باستاۋ تۋرالى حابار­لا­ما الىن­عان.

– 2025 جىلعى ساۋىردە كاسىپورىندا قولدانىستاعى ءتۇتىن مۇرجاسىن تەكسەرۋ مەن جوندەۋ ماقساتىندا ءبىرىنشى كەزەكتەگى ءتورت ەنەرگوبلوك توقتاتىلىپ, ىشكى بەتون قۇرىلىمدارىنىڭ قالدىقتارى بولشەكتەلدى. قۇرى­لىس-مونتاج جۇمىسىن مەر­دى­گەر ۇيىمداردىڭ كونسورتسيۋمى جۇرگىزىپ جاتىر. قازىردىڭ وزىندە جوباعا 3 ملرد تەڭگە قارجى ءبولىنىپ, جۇمىسقا 45 ادام تارتىلدى. ال جوباعا جالپى سوماسى 29,1 ملرد تەڭگە جۇمسالادى. جاڭا ءتۇتىن مۇر­جاسى قولدانىستاعى مۇر­جا­نىڭ جانىندا سالىنىپ جاتىر, – دەيدى ول.

بۇل ەلەكتر ەنەرگياسىن وندى­رۋ­­دەگى شىعىنداردى ازايتىپ, ەنەر­گوبلوكتاردى توقتاتۋدى جوس­پارلى جون­دەۋمەن ۇيلەستىرۋگە مۇم­كىندىك بەرەدى. نىساننىڭ جوبا­­لىق پايدالانۋ مەرزىمى – 50 جىل. قۇرىلىس اياقتالعاننان كەيىن 2027 جىلدىڭ قازانىنان 2028 جىلدىڭ شىلدەسىنە دەيىن ەسكى ءتۇتىن مۇرجاسىن بۇزۋ جۇمىسى جوسپارلانعان.

ايتىپ وتەلىك, 2024 جىلدىڭ قاراشاسىندا ەكىباستۇزداعى ماەس-1 ستانساسىندا ءبىر ەنەرگيا بلوگى كەنەتتەن جۇ­مىسىن توقتاتقان ەدى. وعان كاسىپورىن مۇرجاسىنداعى اقاۋ سەبەپ بول­عان.

جالپى, اتالعان كاسىپورىن ەكىباستۇز قالاسىنان 16 شاقى­رىم جەردە ورنالاسقان. جوبا­لىق بەلگىلەنگەن ەلەكتر قۋاتى – 4000 مۆت. مۇندا 8 ەنەرگيا بلوگى بار, ارقايسىسى 500 مۆت قۋاتقا يە. ستانسا ەكىباستۇزدىڭ ك ۇلى جوعارى تاس كومىرى مەن مازۋتتى پايدالانادى. كاسىپورىندا ءبىرى – 300, ەكىنشىسى 330 مەترلىك قوس الىپ مۇرجا ورنالاسقان. ونىڭ ارقايسىسى 4 ەنەرگيا بلوگىنە قىزمەت ەتەدى. مۇندا ۇلكەن كولەم­دەگى كوممۋنالدىق جىلۋ وندىر­مەيدى. سەبەبى ول ەلدى مەكەندەردەن الشاق ورنالاسقان. كەڭەس زامانىندا ەكىباستۇز قالاسىنا جىلۋ قۇبىرىن تارتۋ تۋرالى جوسپار بولعان. الايدا جوبا قىمباتقا تۇسەدى دەپ ەسەپ­تەپ, جۇزەگە اسىرۋدان باس تارت­قان.

KEGOC كومپانياسىنىڭ دەرەكتەرىنە سۇيەنسەك, ەلىمىزدەگى ءبىرتۇتاس ەلەكتر ەنەرگەتيكالىق جۇيە (بەج) نەگىزگى ءۇش ايماقتان تۇرادى. ەلەكتر ستانسالاردىڭ, ەلەكتر جەتكىزۋ جەلىلەرى مەن قوسالقى ستانسالاردىڭ جيىن­تىعىنان تۇراتىن بۇل جۇيەدە پاۆلودار وبلىسىنداعى ايماق­تىق ەلەكتر ستانسالارى ايرىقشا مانگە يە. جۇيەنىڭ «سولتۇستىك ايماعىنا» شىعىس قازاقستان, اباي, پاۆلودار, اقمولا, قوستاناي, سولتۇستىك قازاقستان, اقتوبە, قاراعاندى جانە ۇلىتاۋ وبلىستارى ەنەدى. ال «وڭتۇستىك ايماققا» – الماتى, جەتىسۋ, جامبىل, تۇركىستان, قىزىلوردا وبلىس­تارى, «باتىس ايماققا» باتىس قازاقستان, اتىراۋ, ماڭعىستاۋ وبلىستارى قارايدى.

بۇعان قاراپ ەلىمىزدەگى ونەر­كاسىپتى ايماقتار مەن اۋىر ءوندىرىسى دامىعان وڭىرلەر نەگى­­­زىنەن ەكىباستۇزداعى ەلەكتر ستانسالارىنىڭ قۋاتىنا تاۋەل­دى ەكەنىن بايقاۋعا بولار. ونىڭ ۇستىنە وتاندىق ەلەكتر قۋاتىنىڭ 40 پايىزدان استامى ەرتىس-بايان جەرىندە وندىرى­لە­دى. ەلدەگى ۇلتتىق ماڭىزى بار 8 ەلەكتر ستانساسىنىڭ ۇشەۋى پاۆلودار وبلىسىندا ورنا­­لاس­قان (ەكىباستۇز ماەس-1, ەكىباستۇز ماەس-2 جانە «ەەك» اق ەلەكتر ستانساسى). ولاردىڭ بەلگىلەنگەن جيىنتىق قۋاتى — 7035 مۆت. وتاندىق ەنەرگيا ءوندىرىسىنىڭ بەستەن ءبىرى اتالعان كاسىپورىنعا تيەسىلى.

پاۆلودار وبلىسى