باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ قىلمىستىق قاتەرلەر مەن قوعامدىق قاۋىپسىزدىك تاۋەكەلدەرىن بولجاۋ ورتالىعى ينتەرنەت-الاياقتىقتىڭ جاڭا سحەماسى تۋرالى ەسكەرتەدى, دەپ حابارلايدى Egemen.kz.
شەتەلدىك دەرەككوزدەردىڭ مالىمەتتەرى بويىنشا الاياقتار تەگىن ەلەكتروندىق كىتاپتار رەتىندە Telegram-عا زياندى فايلداردى تاراتادى.
«الداۋ سحەماسى وتە قاراپايىم: ءسىز Telegram-نان كىتاپتاردىڭ ۇلكەن كىتاپحاناسىنا قولجەتىمدىلىك تۋرالى شەكتەۋسىز حابارلاما الاسىز.
قاجەتتى باسىلىم سۇرالعاننان كەيىن بوت ناقتى سەرۆيسكە يميتيتسيا جاساي وتىرىپ, كىتاپ سيۋجەتىنىڭ قىسقاشا سيپاتتاماسىن جاسايدى, بىراق كىتاپتى وقۋ نەمەسە جۇكتەۋدىڭ ورنىنا سىزگە «ارنايى قوسىمشا» دەگەن اتاۋمەن ۆيرۋستىق فايل جىبەرەدى.
فايلدى ورناتۋ وتە اۋىر سالدارعا اكەلەدى: پارولدەر مەن اقشالاردى ۇرلاۋ, حات الماسۋ جانە فوتوسۋرەتتەرگە قول جەتكىزۋ, سمارتفوندى قاشىقتان باسقارۋ جانە جەكە دەرەكتەردى جوعالتۋ», دەلىنگەن قوستاناي وبلىسى اكىمدىگىنىڭ حابارلاماسىندا.
ايتا كەتەيىك, بەيرەسمي كوزدەردەن باسقا قوسىمشالاردى ورناتۋ جاعىمسىز سالدارلارعا اكەلىپ سوعۋى مۇمكىن.
ال, وسىنداي قاۋىپ-قاتەرلەردەن قورعاۋدىڭ نەگىزگى شارالارى – كيبەرگيگيەنا ەرەجەلەرىن ساقتاۋ جانە جەكە قىراعىلىق.
ينتەرنەت-الاياقتىق تىيىلماي تۇر: «قۇپيا سانتا» ويىن با الدە تۇزاق پا؟