الماتىداعى ەسەنتاي وزەنىندە قاۋىپتى جاعداي ساقتالىپ وتىر – قاتتى اياز بەن مۇزدىڭ جينالۋىنا بايلانىستى مۇزدى سۋ سەلى قايتا ءجۇرۋ قاۋپى بار. بۇل تۋرالى بۇگىن «قازگيدرومەت» حابارلادى, دەپ جازادى Egemen.kz.
گيدرومەتەورولوگيالىق قىزمەتتىڭ مالىمەتىنشە, 18 قاڭتاردا كىشى الماتى وزەنى الابىنا جاتاتىن ەسەنتاي وزەنىندە شاعىن سۋ-مۇزدى سەل قالىپتاسقان. وعان تومەن اۋا تەمپەراتۋراسى مەن وزەن ارناسىندا مۇزدىڭ بەلسەندى ءتۇزىلۋى اسەر ەتكەن.
«ەسەنتاي وزەنىنىڭ ارناسىندا مۇز تۇزىلىمدەرىنىڭ باسىم بولىگى ساقتالىپ, سۋدىڭ كوپ جينالۋى بايقالىپ وتىرعاندىقتان, سۋ-مۇزدى سەلدىڭ قايتا قالىپتاسۋ قاۋپى بار», دەلىنگەن حابارلامادا.
سينوپتيكتەردىڭ بولجامىنشا, الداعى كۇندەرى الماتىدا اۋا تەمپەراتۋراسى نولدەن تومەن دەڭگەيدە ساقتالادى. 21 قاڭتاردا كۇندىز -3...-5 گرادۋسقا دەيىن, ال تۇندە -11...-13 گرادۋسقا دەيىن تومەندەيدى. كەلەسى قار 22 قاڭتاردا جاۋادى دەپ كۇتىلىپ وتىر.