اباي اتىنداعى قازاق ۇلتتىق وپەرا جانە بالەت تەاترى العاش رەت سينگاپۋردە گاسترولدىك ساپارمەن ونەر كورسەتەدى. قويىلىمدار 23-25 قاڭتار ارالىعىندا NUS ۋنيۆەرسيتەتىنىڭ مادەنيەت ورتالىعىندا وتەدى, دەپ جازادى Egemen.kz.
گاسترول اياسىندا تەاتر سينگاپۋرلىق كورەرمەنگە ەكى باعدارلاما ۇسىنادى. اتاپ ايتساق, «كلاسسيكالىق بالەت جاۋھارلارى» («اققۋ كولى» (اداجيو), «سيلفيدا», «دون كيحوت» بالەتىنەن ءۇزىندى) جانە البەرتو الونسو قويىپ, مۋزىكاسىن روديون ششەدرين جازعان ءبىر اكتىلى «كارمەن-سيۋيتا» بالەتى. بۇل قويىلىم – قۇمارلىق, ەركىندىك پەن تاعدىر تاقىرىپتارىن تەرەڭ اشاتىن الەمدىك حورەوگرافيا ونەرىندەگى كوركەم تۋىندىلاردىڭ ءبىرى. ونەر ۇجىمىنىڭ شىعارماشىلىق ساپارىنا ساتتىلىك تىلەيمىز.
ۇلت تەاترىنىڭ تۇڭعىش قويىلىمى
ايتا كەتەيىك, بۇگىن ۇلتتىق قۇرىلتايدا پرەزيدەنت ەكى جىلدىڭ ىشىندە ەلىمىزدەگى 100-دەن استام مادەنيەت وشاعى جوندەلەتىنىن ايتتى.