ەكى ءورت تە قىزىلجار اۋدانىندا بولدى. الدىمەن ولشانكا اۋىلىنداعى ءبىر ۇيدەن كەشكى ساعات 21:00 كەزىندە ءورت شىعىپ, بەس جاسار قىز بالا مەرت بولدى. ال تۇنگى ساعات 02:00 كەزىندە پريشيمكا اۋىلىندا شىققان ورتتەن 1973 جىلى تۋعان ەر ادام كوز جۇمدى, دەپ حابارلايدى Egemen.kz.
العاشقى ورتتە قىز بالا ۇيدە جالعىز بولعان. ابدەن توڭعان بالا وت جاعۋعا ارەكەتتەنگەن بولۋى مۇمكىن نەمەسە جانىپ تۇرعان پەشتەن ۇيگە وت تۇسكەن سياقتى. وقيعانىڭ ءمان-جايى ازىرگە بەلگىسىز.
سولتۇستىك قازاقستاندا ورتەنگەن ۇيدەن بالانىڭ ءمايىتى تابىلدى
ال ەكىنشى ورتتە ۇيدە ەكى ادام بولعان. ءورتتىڭ سالدارىنان گاز بالونى جارىلعان. ۇيدەگى 1947 جىلى تۋعان ەكىنشى ەر ادامدى ءورت سوندىرۋشىلەر الىپ شىعىپ, اۋدان ورتالىعىنداعى اۋرۋحاناعا جەتكىزگەن. قازىر ونىڭ جاعدايى «ورتا دەڭگەيدە اۋىر» دەپ باعالانعان.
ءورتتىڭ شىعۋ سەبەپتەرى انىقتالىپ جاتىر.
بۇعان دەيىن پاۆلودار وبلىسى ەرتىس اۋىلىنداعى جەكە ۇيدەن ءورت شىعىپ, 2 بالا قايتىس بولدى. قايعى جۇتقان وتباسىعا پاتەر كىلتى تابىستالدى.
سولتۇستىك قازاقستان وبلىسى