الماتىداعى 5571 اسكەري بولىمىندە 600-دەن استام ۇلاندىق جاس سارباز اسكەري انت قابىلدادى. اسكەري ءبولىم قاتارىنا جاڭادان قوسىلعان ساربازدار ەل قاۋىپسىزدىگىن قامتاماسىز ەتۋگە ۇلەس قوساتىن بولادى, دەپ حابارلايدى Egemen.kz.
سالتاناتتى راسىمگە اسكەري ءبولىمنىڭ ارداگەرلەرى, الماتى قالاسى مەن الماتى وبلىسى بويىنشا «انالار جۇرەگى» ساربازدار انالارى كوميتەتىنىڭ وكىلى تاتيانا تروپينا, الماتىلىق جەدەل قۇرامانىڭ باسشىلىعى, سونداي-اق ساربازداردىڭ اتا-انالارى مەن تۋىستارى قاتىستى.
انت بەرۋ راسىمىندەگى توسىنسىي: استانادا سارباز سۇيىكتىسىنە ۇسىنىس جاسادى
سالتاناتتى جيىندا ءسوز سويلەگەن 5571 اسكەري ءبولىمىنىڭ كومانديرى, پولكوۆنيك ماقسات بايماعۇلوۆ جاس ساربازداردى ماڭىزدى تاريحي ساتپەن قۇتتىقتاپ, ولاردىڭ الداعى قىزمەتىنە ساتتىلىك تىلەدى.
– بۇگىن اسكەري بولىمدە ەرەكشە ءارى ماڭىزدى وقيعا بولىپ وتىر. جاس ساربازداردىڭ اسكەري انت قابىلداۋى – ءبىز ءۇشىن مارتەبەلى كۇندەردىڭ ءبىرى. وسى ءسات ومىرلەرىڭىزدە ماڭگى ەستە ساقتالاتىنىنا سەنىمدىمىن. بۇگىننەن باستاپ سىزدەر قازاقستان رەسپۋبليكاسى ۇلتتىق ۇلانىنىڭ ساربازدارى قاتارىنا رەسمي تۇردە قوسىلدىڭىزدار. ەندى ەل تىنىشتىعىن سەنىمدى قورعاپ, اسكەري بورىشتارىڭىزدى ادال اتقارىڭىزدار. ۇلتتىق ۇلاننىڭ اتىن, ونىڭ باي اسكەري ءداستۇرىن ابىرويمەن جالعاستىرۋ – سىزدەردىڭ باستى مىندەتتەرىڭىز, – دەدى بريگادا كومانديرى.
وسىلايشا, جاس جاۋىنگەر كۋرسىنان وتكەن جانە اسكەري انت قابىلداعان ساربازدار بۇگىننەن باستاپ ەلىمىزدىڭ زاڭدىلىعى مەن قوعامدىق قاۋىپسىزدىگىن قامتاماسىز ەتەتىن ۇلتتىق ۇلان اسكەري قىزمەتشىلەرىمەن ءبىر ساپتا قىزمەت ەتەتىن بولادى.
ەستەرىڭىزگە سالا كەتەيىك, 5571 اسكەري ءبولىمىنىڭ جەكە قۇرامى وڭتۇستىك استانانىڭ قوعامدىق-ساياسي, سپورتتىق, مادەني ءىس-شارالارىنا, سونداي-اق مەگاپوليستەگى قوعامدىق ءتارتىپتى ساقتاۋعا بەلسەندى قاتىسادى.
ساربازدار اسكەري انت قابىلدادى
انت بەرگەن ساربازدار جاقىن ارادا الماتى كوشەلەرىندە قۇقىقتىق ءتارتىپتى قامتاماسىز ەتۋ جونىندەگى مىندەتتەردى ورىنداۋعا كىرىسەدى.
الماتىدا ءىىم اكادەمياسىنىڭ 300 كۋرسانتى انت قابىلدادى