18 قاڭتار كۇنى ساعات 23:00-دە وسكەمەن قالاسىنىڭ تىرشىلىكتى قامتاماسىز ەتۋ جۇيەسىندە بىرقاتار اپاتتى جاعدايلار تىركەلدى. قازىرگى ۋاقىتتا بارلىق قىزمەتتەر كۇشەيتىلگەن رەجيمدە جۇمىس ىستەپ جاتىر, دەپ حابارلايدى Egemen.kz
تاڭەرتەڭ ميرنىي كەنتىنىڭ سۋىق سۋمەن جابدىقتاۋ جۇيەسىندە اپاتتى جاعداي بولدى. سالدارىنان كوپقاباتتى جانە جەكە تۇرعىن ۇيلەر مەن مەكتەپ ۋاقىتشا سۋسىز قالدى. تۇرعىندار ءۇشىن اۋىز سۋ تاسىمالداۋ ۇيىمداستىرىلىپ, وتىنىمدەر تاۋلىك بويى قابىلدانادى.
«18 قاڭتار كۇنى ساعات 02:00-دە قاربىشەۆ پەن ۆينوگرادوۆ كوشەلەرىندە اپات بولدى. قازىرگى ۋاقىتتا جوندەۋ جۇمىستارى جۇرگىزىلىپ جاتىر», دەلىنگەن حابارلامادا.
سونداي-اق گەولوگيالىق كوشەسىندەگى ۇيلەردىڭ بىرىندە پاتەر يەلەرىنىڭ كووپەراتيۆى (كسك) تاراپىنان ءتيىستى شارالار قابىلدانباۋىنا بايلانىستى ماسەلەنى «ۆودوكانال» بريگاداسى ءوز كۇشىمەن شەشىپ, جەرتولەدەگى جابدىقتى اۋىستىردى. قازىرگى ۋاقىتتا سۋمەن جابدىقتاۋ تولىق قالپىنا كەلتىرىلدى.
سقو-داعى اۋىلعا قايتارىلعان قارجى ەسەبىنەن اۋىز سۋ قۇبىرى تارتىلدى
مەنوۆنوە كەنتى مەن كولحوزنايا كوشەسىندەگى ەلەكتر ەنەرگياسىنىڭ اقاۋى تولىعىمەن جوندەلدى. قازىرگى ۋاقىتتا جاعداي تۇراقتى.
«جىلۋمەن قامتۋ جۇيەسىنىڭ جۇمىسىندا جىلۋ شتاتتىق رەجيمدە بەرىلىپ جاتىر», دەپ حابارلادى اكىمدىك.
قالالىق قىزمەتتەر جاعدايدى باقىلاۋدى جالعاستىرىپ, انىقتالعان اقاۋلاردى جويۋ جۇمىستارىن جۇرگىزىپ جاتىر.
بيىل ەلىمىزدەگى 142 اۋىل ساپالى اۋىز سۋمەن قامتىلادى