كولۋمبيانىڭ شىعىسىندا ەكى قارۋلى توپ اراسىنداعى قاقتىعىستار سالدارىنان, الدىن الا مالىمەت بويىنشا, 30 ادام قازا تاپتى, دەپ حابارلايدى Egemen.kz.
جەرگىلىكتى باق-تىڭ حابارلاۋىنشا, اتىس كولۋمبيانىڭ گۋاۆيارە دەپارتامەنتى اۋماعىندا, لا-پاس پەن لا-ليبەرتاد اۋىلدارىن جالعايتىن جولدا بولعان. قازىرگى ۋاقىتتا ەكى تاراپتان دا 30 ادامنىڭ قازا تاپقانى راستالىپ وتىر, ال كەيبىر اۋدانداردا ۇرىس ءالى دە جالعاسىپ جاتقانىن جەرگىلىكتى بيلىك وكىلدەرى مالىمدەدى.
الەۋمەتتىك جەلىلەردە تاراعان ۆيدەولاردا جول بويىندا كامۋفلياج كيىم كيگەن جانە اسكەري ەتىك كيگەن ادامداردىڭ دەنەلەرى كورىنەدى.
گۋاۆيارە دەپارتامەنتىنىڭ گۋبەرناتورى يەيسون روحاس جاعدايدى تۇراقتاندىرۋ شارالارىن تالقىلاۋ ءۇشىن قورعانىس ءمينيسترى پەدرو سانچەسپەن كەزدەسۋ وتكىزۋدى جوسپارلاپ وتىرعانىن ايتتى.
يراندا قاقتىعىستار بارىسىندا بىرنەشە ادام قازا تاپتى
جەرگىلىكتى اقپارات قۇرالدارىنىڭ دەرەگىنشە, قاقتىعىستار Estado Mayor Central (كولۋمبيانىڭ رەۆوليۋتسيالىق قارۋلى كۇشتەرىنىڭ بۇرىنعى قولشاتىر قۇرىلىمى) جەتەكشىسى يۆان موردىسكوعا ادال بولىمشەلەر مەن «كالاركا» لاقاپ اتىمەن بەلگىلى كومانديرگە بايلانىسى بار قارۋلى فراكتسيا اراسىندا بولعان.
يرانداعى قاقتىعىس: قۇرباندار سانى ارتىپ, جاعداي ۋشىعىپ بارادى
الدىن الا بولجام بويىنشا, قاقتىعىستىڭ باستى سەبەبى – زاڭسىز ەكونوميكالىق قىزمەت اياسىندا اۋماق پەن تاسىمال باعىتتارىن باقىلاۋ ءۇشىن بولعان باسەكەلەستىك.
ترامپ كولۋمبياعا سانكتسيا سالدى