وتاندىق تاۋار وندىرۋشىلەردىڭ ءتىزىلىمى تولىقتىرىلدى

بۇگىنگى تاڭدا جاڭا تسيفرلىق جۇيەگە 1 924 كاسىپورىن اۆتوماتتى تۇردە كوشىرىلدى, ولار بۇعان دەيىن قازاقستاندىق تاۋار ءوندىرۋشى مارتەبەسىن راستاعان. سونىمەن قاتار, تىزىلىمدە 3 831-دەن استام كومپانيا اۆتوريزاتسيادان ءوتتى.

جالپى العاندا 3 779 ءوتىنىم بەرىلىپ, ولاردىڭ ىشىنەن 90 كاسىپورىن وندىرىستىك قىزمەتىن باعالاۋ كەزەڭىنەن ءوتىپ, تىزىلىمدە تىركەلدى.

كاسىپكەرلىكتى قولداۋدىڭ ءتيىمدى تەتىكتەرى

ءتىزىلىم قازاقستاندىق تاۋار ءوندىرۋشى مارتەبەسىن راستاۋدىڭ بىرىڭعاي تسيفرلىق جۇيەسىن قالىپتاستىرىپ, مەملەكەتتىك قولداۋدىڭ اتاۋلىلىعىن ارتتىرۋعا, راسىمدەردىڭ اشىقتىعىن قامتاماسىز ەتۋگە جانە مارتەبەنىڭ فورمالدى تۇردە بەرىلۋىن بولدىرماۋعا باعىتتالعان.

تىزىلىمگە ماشينا جاساۋ سالاسىنىڭ, قۇرىلىس يندۋسترياسىنىڭ جانە جەڭىل ونەركاسىپتىڭ كاسىپورىندارى ەنگىزىلگەن, ونىڭ ىشىندە:

«وسكەمەن ارماتۋرا زاۋىتى» اق (قۇبىر ارماتۋراسى, ونىڭ ىشىندە شارلى كراندار مەن مۇناي-گاز سالاسىنا ارنالعان جابدىقتار); «Asia Trafo» جشس (ترانسفورماتورلار); «قازەنەرگوكابەل» جشس (كابەل ونىمدەرى); «اگروماشحولدينگ» اق (اۋىل شارۋاشىلىعى تەحنيكاسى); «كاسپي تسەمەنت» جشس, «Central Asia Cement» جشس (تسەمەنت); «زەردە-كەراميكا» جشس (قاپتاما پليتكاسى); «قاراعاندى اياق كيىم فابريكاسى» جشس (اياق كيىم).

«ىسكەر ايماق» شاعىن كاسىپكەرلىكتى قولدايدى

بيزنەس ءۇشىن ماڭىزدى

بۇرىن تىزىلىمگە اۆتوماتتى تۇردە ەنگىزىلگەن وندىرۋشىلەرگە 2026 جىلعى 30 قاڭتارعا دەيىن مىناۋ سايتتاعى جۇيەدە مالىمەتتەردى تولتىرىپ, ەلەكتروندىق تسيفرلىق قولتاڭبا (ەتسق) ارقىلى ءوتىنىمدى راستاۋ قاجەت.

تىركەۋ كەزەڭىنەن وتپەگەن جاعدايدا كاسىپورىن قازاقستاندىق تاۋار وندىرۋشىلەردىڭ تىزىلىمىنەن شىعارىلاتىن بولادى.

قازاقستاندىق تاۋار وندىرۋشىلەردىڭ ءتىزىلىمىن ودان ءارى تولىقتىرۋ جۇمىستارى جالعاسۋدا.

مەملەكەتتىك مەكەمە باسشىلارىنا كاسىپكەرلىكپەن اينالىسۋعا بولا ما؟