قارجى ۇيىمدارىمەن ىنتالى ىنتىماقتاستىق

جيىن بارىسىندا ەكونوميكا­لىق رەفورمالار مەن ينۆەستيتسيا­لىق جوبالاردى جۇزەگە اسىرۋ شەڭ­بەرىندە حالىقارالىق قارجى ۇيىم­دارىمەن ءوزارا ءىس-قيمىلدىڭ تيىمدىلىگىن ارتتىرۋعا باعىتتالعان ماسەلەلەر تالقىلاندى. ۇيلەستىرۋ كەڭەسىنىڭ الدىڭعى وتىرىسى­نىڭ حاتتامالىق تاپسىرمالارىن ورىنداۋ قورىتىندىلارى مەن جوبالاردى جۇزەگە اسىرۋدى ودان ءارى وڭتايلاندىرۋ ءارى جەدەلدەتۋ جونىن­دەگى ۇسىنىستار, سونداي-اق بىر­لەس­كەن باعدارلامالاردى كەڭەيتۋ مۇم­كىندىكتەرى قارالدى.

پرەمەر-مينيستر مەملەكەت باسشىسىنىڭ تاپسىرماسى بو­يىنشا ەلىمىزدىڭ ستراتەگيالىق جوسپارلاۋ جانە رەفورمالار اگەنت­تىگىنىڭ توراعاسى اسەت ەرعاليەۆ حالىقارالىق قارجى ۇيىمدارىمەن ىنتىماقتاستىق جونىندەگى ۇلتتىق بايلانىس جاسايتىن تۇلعا بولىپ بەلگىلەنگەنىن حابارلادى.

اتالعان ءتاسىل جوبانى جۇزەگە اسىرۋداعى ءتارتىپتى ءارى بىرلەسكەن باعدارلامالار مەن اناليتيكالىق زەرتتەۋلەردىڭ ماقۇلداۋ جەدەلدىگىن ارتتىرۋعا مۇمكىندىك بەرەتىنى اتاپ ءوتىلدى.

دۇنيەجۇزىلىك بانكتىڭ ەلىمىزدەگى وكىلى اندرەي ميحنەۆ پريوريتەتتى باعدارلامالاردى جوسپارلاۋ مەن ءتيىمدى جۇزەگە اسىرۋ ماقساتىندا قارجىلاندىرۋ كوزدەرىن كورسەتە وتىرىپ, مەملەكەتتىك قارىزدار مەن مەملەكەتتىك كەپىلدىكتەردى قامتيتىن كوپجىلدىق ينۆەستيتسيالىق جوسپار بەكىتۋدى ۇسىندى.

ەنەرگەتيكالىق قۋات كوزدەرى­نىڭ بىرىنەن ەكىنشىسىنە كوشۋ سالاسىن­داعى باستامالار ءوز الدىنا بولەك تالقىلاندى. وتىرىسقا قاتىسۋ­شىلار ەنەرگەتيكالىق ترانسفور­ماتسيا بويىنشا پريوريتەتتى جوبالاردى بىرىكتىرۋ مەن ۇزاقمەرزىم­دى حالىقارالىق قارجىلاندىرۋ­دى تارتۋعا باعىتتالعان ەلدىك ينۆەس­تي­تسيالىق پلاتفورمانى قالىپتاستىرۋ جونىندەگى ۇسىنىستاردى قارادى. ەنەرگيا­مەن قامتۋ سەنىمدىلىگىن ارتتىرۋ, تەحنولوگيالىق جاڭارتۋ مەن ينۆەستيتسيالار تارتۋ قۇرالى رەتىندە ەنەرگەتيكالىق كوشۋدىڭ ماڭىز­دىلىعى اتاپ ءوتىلدى.

ەنەرگەتيكا, ەكولوگيا جانە تابيعي رەسۋرستار مينيسترلىگى 2025 جىل بويى ەقدب-مەن بىرلەسىپ ەنەرگە­تيكا سەكتورىنا نازار اۋدارا وتىرىپ, قازاقستاننىڭ ءادىل ەنەر­گەتيكالىق كوشۋى جونىندەگى ەلدىك ينۆەستيتسيالىق پلاتفور­ماسىنىڭ (KazJETP) تۇجىرىمداماسىن دا­يىندادى.

ەلدىڭ ەنەرگەتيكالىق سەك­تورىنىڭ پلاتفورماسى اۋقىمدى حالىقارالىق قارجىلاندىرۋ­دى تارتۋ مەن ەلىمىزدىڭ كليمات­تىق ماقساتتارىنا قول جەتكىزۋگە ءتيىمدى ينتەگراتسيالانعان جۇيەلىك ءتاسىل رەتىندە قاراستىرىلادى. اتالعان تەتىك حالىقارالىق قارجى ينستيتۋتتارىنىڭ, مەملەكەتتىك ورگانداردىڭ جانە جەكە سەكتوردىڭ رەسۋرستارىن بىرىكتىرە وتىرىپ, كلي­ماتتىق قارجىلاندىرۋدى ۇيلەس­تىرۋدى قامتاماسىز ەتۋگە ارنالعان.

بۇعان قوسا حالىقارالىق قار­جى ۇيىمدارىنىڭ قاتىسۋىمەن جۇزەگە اسىرىلاتىن بىرقاتار ينفرا­قۇرىلىمدىق جوبانى, ونىڭ قاتارىندا سۋ شارۋاشىلىعى, سۋ تاسقىنى تاۋەكەلدەرىن باسقارۋ مەن كوممۋنالدىق ينفراقۇرىلىم سالاسىنداعى جوبالاردى جۇزەگە اسىرۋ ماسەلەلەرى قارالدى. اتاپ ايتقاندا, اقمولا وبلىسىنداعى ەسىل وزەنىندە ەسىل قارسى رەتتەگىشىن سالۋ مەن اقمولا وبلىسى ستەپنوگورسك قالا­سىنىڭ كارىزدىك تازارتۋ قۇرى­لىسجايلارىن رەكونسترۋكتسيالاۋ جونىندەگى جوبالارعا ازيا دامۋ بانكىنىڭ قاتىسۋى.

پرەمەر-مينيستر ەكونوميكانى تۇراقتى دامىتۋ مەن باسىم سالالارعا ينۆەستيتسيالار تارتۋعا حالىقارالىق قارجى ينستيتۋتتارىمەن ارىپتەستىكتىڭ ماڭىزدىلىعىن اتاپ ءوتتى. ۇكىمەت ۇزاقمەرزىمدى تۇراق­تى اسەرلەرگە قول جەتكىزۋگە باعىت­تالعان باستامالاردى قولداۋدى ءارى تۋىنداعان ماسەلەلەرگە جەدەل دەن قويۋدى جالعاستىرادى.

وتىرىس قورىتىندىسى بو­يىن­شا مەملەكەتتىك ورگاندارعا حالىق­ارالىق ارىپتەستەرمەن بىرلەسىپ ۇسىنىلعان ۇسىنىستاردى پىسىق­تاۋدى, ءىس-قيمىلداردى ۇيلەستىرۋدى ءارى بىرلەسكەن ينۆەستيتسيالىق جوبالاردى ۋاقتىلى جۇزەگە اسىرۋدى قامتاماسىز ەتۋ تاپسىرىلدى.