اقتاۋ قالاسىن تۇراقتى اۋىز سۋمەن قامتاماسىز ەتۋ ماقساتىندا سۋ ءوندىرۋ قۋاتىن ارتتىرۋعا باعىتتالعان ماڭىزدى جوبالار جۇزەگە اسىرىلىپ جاتىر. بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە قالا اكىمى ابىلقايىر بايپاقوۆ ايتتى.
قالا اكىمىنىڭ ايتۋىنشا, «كاسپي» سۋ تۇششىتۋ زاۋىتىنىڭ ەكىنشى كەزەڭى اياقتالىپ, كاسىپورىننىڭ وندىرىستىك قۋاتى تاۋلىگىنە 20 مىڭ تەكشەدەن 40 مىڭ تەكشەگە دەيىن ۇلعايتىلدى. سونىمەن قاتار, «ماەك» جشس اۋماعىندا تاۋلىگىنە 6 مىڭ تەكشە سۋ وندىرەتىن جاڭا تۇششىتۋ قوندىرعىسى ىسكە قوسىلدى.
بيىل ەلىمىزدەگى 142 اۋىل ساپالى اۋىز سۋمەن قامتىلادى
– ۇكىمەت قاۋلىسىمەن «كاسپي» سۋ تۇششىتۋ زاۋىتىنىڭ ونىمدىلىگىن تاۋلىگىنە 100 مىڭ تەكشەگە دەيىن ارتتىرۋ جانە «ماەك» جشس اۋماعىندا تاۋلىگىنە 12 مىڭ تەكشە سۋ تۇششىتۋ قوندىرعىسىن سالۋ جوبالارى بەكىتىلدى. قازىرگى ۋاقىتتا جوبالىق-سمەتالىق قۇجاتتاما ازىرلەنىپ جاتىر, قۇرىلىس-مونتاج جۇمىستارى بيىلعى جىلدىڭ ەكىنشى جارتىسىندا باستالادى. سونداي-اق, كاسپي تەڭىزى دەڭگەيىنىڭ تومەندەۋىنە بايلانىستى تاۋەكەلدەردى ازايتۋ ءۇشىن «ماەك» جشس-ءنىڭ №2 سۋ جيناۋ كانالىنا جاناساتىن جاڭا سۋ قابىلداۋ كانالىنىڭ قۇرىلىسى قولعا الىندى, دەدى ابىلقايىر بايپاقوۆ.
ۇكىمەت: ەلىمىزدىڭ بارلىق ەلدى مەكەنى 100% اۋىز سۋمەن قامتىلدى
ماڭعىستاۋ وبلىسى