قازاقستان تەلەارنالارى قىسقى وليمپيادا ويىندارىن تىكەلەي ەفيردە كورسەتەدى

تورتجىلدىقتىڭ باستى دوداسى «Qazaqstan», «Qazsport», «حابار» جانە «Jibek Joly» رەسپۋبليكالىق ارنالارىنان تىكەلەي ەفيردە كورسەتىلەدى.​​​​

اق ويىنداردا 8 سپورت تۇرىنەن 116 مەدال جيىنتىعى ساراپقا سالىنادى. بۇگىندە قازاقستان ءۇش سپورت ءتۇرى — شورت-ترەك, كونكيمەن جۇگىرۋ جانە مانەرلەپ سىرعاناۋدان وليمپيادالىق كۆوتالاردىڭ يەگەرى اتاندى.​​

قىسقى وليمپيادالار تاريحىندا تۇڭعىش رەت جارىستاردى رەسمي تۇردە قوس قالا قابىلدايدى. يتاليا تورىندە 100-گە جۋىق ەلدىڭ 3000 سپورتشىسى ونەر كورسەتەدى دەپ جوسپارلانىپ وتىر. ​​​​​

وليمپيادا كەزىندە ءتۇسىرىلىم توپتارى ءدۇبىرلى دودادان ەكسكليۋزيۆتى حابار تاراتادى. سونىمەن قاتار «Qazaqstan» مەن «Qazsport» ارنالارىنان كۇن سايىن «وليمپيادا كۇندەلىگى», «Qazsport» تەلەارناسىنان تىكەلەي ەفيردە «ميلان — كورتينا 2026» ستۋديالىق باعدارلاماسى كورەرمەنگە جول تارتادى.

ەل سپورتشىلارى قىسقى وليمپيادا ويىندارىندا قانداي كيىم ۇلگىسىمەن ونەر كورسەتەدى؟