قازاقستاندا ەكىنشى دەڭگەيلى بانكتەردىڭ قىزمەتىن رەتتەۋدىڭ مۇلدەم جاڭا فورماتى كۇشىنە ەندى. مەملەكەت باسشىسى قول قويعان «قازاقستان رەسپۋبليكاسىنداعى بانكتەر جانە بانك قىزمەتى تۋرالى» جاڭا زاڭ اياسىندا ەندى قارجى ينستيتۋتتارىنا بازالىق جانە امبەباپ دەپ بولىنەتىن ليتسەنزيانىڭ ەكى ءتۇرى بەرىلەدى. بۇل رەفورما نارىقتاعى باسەكەلەستىكتى كۇشەيتىپ, جاڭا ويىنشىلاردىڭ, سونىڭ ىشىندە شاعىن جانە تسيفرلىق بانكتەردىڭ دامۋىنا جول اشپاق, دەپ حابارلايدى Egemen.kz.
مەملەكەت باسشىسى بانك جانە قارجى نارىعىن رەتتەۋ تۋرالى ەكى زاڭعا قول قويدى
ليتسەنزيا تۇرلەرى رۇقسات ەتىلگەن وپەراتسيالاردىڭ كولەمى مەن رەتتەۋشىلىك تالاپتاردىڭ قاتاڭدىعى بويىنشا ەرەكشەلەنەدى: شەكتەۋلەر مەن تالاپتار: زاڭ جوباسىندا بازالىق بانكتىك ليتسەنزياسى بار بانكتەر ءۇشىن اكتيۆتەردىڭ ەڭ جوعارى مولشەرى مەن مەنشىكتى كاپيتالدىڭ ەڭ از مولشەرىنە شەكتەۋلەر بەلگىلەنەدى. بۇل رەتتە ناقتى شەكتى ماندەر زاڭعا تاۋەلدى اكتىلەردە ايقىندالادى. قازىرگى كەزەڭدە اكتيۆتەردىڭ مولشەرىن 500 ملرد تەڭگەگە دەيىن جانە كاپيتالدىڭ ەڭ از مولشەرىن 10 ملرد تەڭگەگە دەيىن شەكتەۋ جوسپارلانعان. سونىمەن قاتار مۇنداي بانكتەرگە تاۋەكەلدەردى ازايتۋ ماقساتىندا بەيرەزيدەنتتەر مەن ۇلەستەس تۇلعالارعا نەسيە بەرۋگە تىيىم سالىنادى. جەڭىلدەتىلگەن قاداعالاۋ: كىشىگىرىم بانكتەر ءۇشىن پرۋدەنتسيالىق نورماتيۆتەر تومەندەتىلەدى. ولاردى قاداعالاۋ پروتسەسى ايتارلىقتاي جەڭىلدەيدى: جىل سايىنعى تەكسەرۋلەر مەن ەسەپتىلىك تاپسىرۋ جيىلىگى قىسقارىپ, ينسپەكتسيا جۇرگىزۋ تالاپتارى جۇمسارادى.جەكە تۇلعالار بانكروتتىعى: بانكتەر قانشا ادامنىڭ بەرەشەگىن كەشىردى؟
پرەزيدەنتتىڭ تاپسىرماسىمەن ازىرلەنگەن بۇل زاڭ تەك ليتسەنزيالاۋدى ەمەس, بۇكىل بانك سەكتورىنىڭ زاماناۋي تەحنولوگيالىق وزگەرىستەرگە بەيىمدەلۋىن كوزدەيدى. جاڭا ەرەجەلەر ەكونوميكانى قارجىلاندىرۋداعى بانكتەردىڭ ءرولىن ارتتىرۋعا, قارجىلىق تەحنولوگيالاردى (FinTech) ىلگەرىلەتۋگە جانە تسيفرلىق اكتيۆتەر اينالىمىن ەركىن تۇردە دامىتۋعا باعىتتالعان.مەملەكەتتەن كومەك العان بانكتەرگە ديۆيدەند تولەۋگە شەكتەۋ قويىلۋى مۇمكىن