مەملەكەت باسشىسى «قازاقستان تەمىر جولى» ۇك» اق باسقارما توراعاسى تالعات الدىبەرگەنوۆتى قابىلدادى. قاسىم-جومارت توقاەۆقا كومپانيانىڭ وتكەن جىلى اتقارعان قىزمەتىنىڭ ناتيجەلەرى جونىندە مالىمەت بەرىلىپ, الداعى كەزەڭگە ارنالعان جوسپارى تانىستىرىلدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
تالعات الدىبەرگەنوۆ تاريفتىك جۇك اينالىمى 10%-عا ارتىپ, 289 ميلليارد توننا-شاقىرىمدى قۇراعانىن ايتتى. تاسىمال كولەمى 5,5%-عا ۇلعايىپ, 320 ميلليون تونناعا دەيىن جەتكەن. ەكسپورتتىق تاسىمال 89 ميلليون توننادان استى. جۇك ءترانزيتى 20%-دان استام ءوسىپ, 33 ميلليون توننا بولدى.
پرەزيدەنتكە بىلتىر پايدالانۋعا بەرىلگەن دوستىق – مويىنتى تەمىر جولىنىڭ ەكىنشى جەلىسى ارقىلى 6 ميلليون توننا نەمەسە 100 مىڭ ۆاگوننان اسا جۇك جەتكىزىلگەنى باياندالدى. الماتى بەكەتىن اينالىپ وتەتىن تەمىر جولداعى تەحنيكالىق قوزعالىسقا رۇقسات ەتىلدى.
تەمىرجول ينفراقۇرىلىمدارىن تارتۋ جانە جاڭعىرتۋ جۇمىستارى جالعاسىپ جاتىر. جوبالاردىڭ جالپى ۇزىندىعى 3900 شاقىرىمدى قۇرايدى.
جەكە تۇلعالار بانكروتتىعى: بانكتەر قانشا ادامنىڭ بەرەشەگىن كەشىردى؟
قاسىم-جومارت توقاەۆقا كومپانيا قىزمەتىندە قاۋىپسىزدىكتى, تيىمدىلىك پەن اشىقتىقتى قامتاماسىز ەتۋ ءۇشىن جاساندى ينتەللەكتىنى ەنگىزۋ ارقىلى تسيفرلىق جوبالار جۇزەگە اسىرىلىپ جاتقانى ايتىلدى.
تالىمگەرلىك ينستيتۋتى جولعا قويىلىپ, جاستار كادرلىق رەزەرۆى جاساقتالعان.
پرەزيدەنت الەۋمەتتىك ماسەلەلەردى شەشۋدىڭ ماڭىزىن اتاپ ءوتىپ, تەمىرجولشىلارعا ارنالعان قولجەتىمدى تۇرعىن ءۇي سالۋ باستاماسىن قۇپتادى.
2029 جىلعا دەيىن قازاقستاندا 11 مىڭ شاقىرىم تەمىرجول جەلىسى جوندەلەدى
مەملەكەت باسشىسى «قازاقستان تەمىر جولى» ۇك» اكتسيونەرلىك قوعامىن ترانسفورماتسيالاۋدى جالعاستىرۋ, ءىرى شەتەلدىك كومپانيالارمەن ىنتىماقتاستىقتى نىعايتۋ, تسيفرلىق شەشىمدەردى ەنگىزۋ, مۋلتيمودالدىق لوگيستيكانى دامىتۋ ماقساتىندا ينفراقۇرىلىمداردى كەڭەيتۋ جونىندە تاپسىرما بەردى.
ەسكە سالايىق, بۇگىن مەملەكەت باسشىسى بانك جانە قارجى نارىعىن رەتتەۋ تۋرالى ەكى زاڭعا قول قويدى.