ءىىم ۇلتتىق ۇلانىنىڭ 3660 اسكەري ءبولىمىنىڭ اسكەري قىزمەتشىلەرى قوناەۆ قالاسىندا قوعامدىق ءتارتىپتى قامتاماسىز ەتۋ بارىسىندا سۋىق قارۋ الىپ جۇرگەن ازاماتتى انىقتاپ, ۇستادى, دەپ جازادى Egemen.kz.
پاترۋلدىك قىزمەت كەزىندە توپ باستىعى, كىشى سەرجانت ازامات بايعۇل جانە قاتارداعى ساربازدار دوسمىرزا مىرزاحمەت پەن بەكسۇلتان مايلىباي بۇلاردى كورىپ قاشپاقشى بولعان كۇدىكتى ازاماتتى بايقاپ قالىپ, ونى توقتاتىپ, تەكسەرۋ جۇرگىزەدى. سول كەزدە ونىڭ قوينىنان ءىرى سۋىق قارۋ – ماچەتە تابىلعان.
اتالعان ازامات ودان ءارى پروتسەسسۋالدىق شارالار قابىلداۋ ءۇشىن قوناەۆ قالاسىنىڭ پوليتسيا باسقارماسىنا جەتكىزىلدى. قازىرگى ۋاقىتتا وسى فاكت بويىنشا تەكسەرۋ جۇمىستارى ءجۇرىپ جاتىر. ونىڭ نە ءۇشىن سۋىق قارۋمەن جۇرگەنى, قانداي دا ءبىر قىلمىس جاساۋ تۋرالى ويى بولعان-بولماعانى تەكسەرىلىپ, ءتيىستى شەشىم شىعارىلادى.
بۇعان دەيىن اقمولا وبلىسىندا ۇلاندىقتار جول جيەگىنە شىعىپ كەتكەن جۇرگىزۋشىگە كومەك كورسەتكەنىن, ورالدا ەسىرتكى ساتۋشىنى ۇستاعانىن حابارلاعانبىز.
ال استانالىق ۇلاندىقتار جوعالعان سمارتفونداردى يەلەرىنە قايتاردى.