يران پرەزيدەنتى ماسۋد پەزەشكيان مينيسترلەر كابينەتىنىڭ وتىرىسىن وتكىزىپ, ەلدى سىرتقى قىسىمنان قورعاۋ ءۇشىن ازاماتتاردىڭ تالاپ-تىلەگىن ورىنداۋعا شاقىردى, دەپ جازادى Egemen.kz.
يران پرەزيدەنتى ءوز سوزىندە مەملەكەتتىڭ ەگەمەندىكتى قولداپ, زورلىق-زومبىلىق ارەكەتتەرىن ايىپتاۋ ماقساتىندا وتكەن اكتسيالارعا قاتىسقان يراندىقتارعا العىس ءبىلدىردى.
ونىڭ ايتۋىنشا, ۇكىمەت حالىقتىڭ سەنىمىن اقتاپ وتىرسا, سىرتقى جاۋلاردىڭ ەلدىڭ تىنىشتىعىن بۇزۋعا باعىتتالعان ارەكەتى ءساتسىز اياقتالادى. سوندىقتان ول مينيسترلىكتەر مەن ۆەدومستۆولارعا ەلدەگى كەمشىلىكتەردى جويىپ, يراندىقتاردىڭ ماسەلەلەرىن شەشۋدە «ەرەكشە ىنتا» تانىتۋدى تاپسىردى. سونداي-اق ءاربىر مەملەكەتتىك ورگان ازاماتتارمەن ءوزارا ءىس-قيمىل ساپاسىن جاقسارتۋعا مىندەتتى ەكەنىن اتاپ ءوتتى.
يران كوشباسشىسى يرانعا قارسى قىسىمدى كۇشەيتۋگە باعىتتالعان اۋقىمدى «گيبريدتىك سوعىس» جۇرگىزىلىپ جاتقانىن دا اتاپ ءوتتى.
«قازىر جاۋ بارلىق كۇشىن قىسىم كورسەتۋگە جۇمىلدىرعان تۇستا ءبىز حالىقتىڭ ءال-اۋقاتىن بارلىق سالادا قورعاۋ ءۇشىن قولدا بار بارلىق ءتاسىلدى پايدالانۋعا مىندەتتىمىز», دەدى ماسۋد پەزەشكيان.
ايتا كەتەيىك, يراندا يسلام رەسپۋبليكاسى تاريحىنداعى ەڭ اۋقىمدى نارازىلىقتار ءوتىپ جاتىر. وسىعان بايلانىستى اقش پرەزيدەنتى دونالد ترامپ بىرنەشە رەت نارازىلىق بىلدىرۋشىلەردى قورعاۋ ءۇشىن جاعدايعا ارالاسامىن دەپ سەس كورسەتكەن بولاتىن.
ال يران بيلىگى نارازىلىقتار كەزىندە شامامەن 2000 ادامنىڭ قازا تاپقانىن حابارلادى.
نارازىلىقتار كەزىندە ەلدە ينتەرنەتكە شەكتەۋ قويىلدى.
بۇگىن يران اۋە كەڭىستىگى جابىلدى, جاعدايعا بايلانىستى Air Astana رەيستەرىنىڭ مارشرۋتى وزگەردى.