ەلوردادا كەز كەلگەن ۆانداليزم جانە قوعامدىق ءتارتىپتى بۇزۋ فاكتىلەرىنە قارسى جۇيەلى كۇرەس ءجۇرىپ جاتىر. كەزەكتى ۆاندالدى پوليتسيا قىزمەتكەرلەرى انىقتاپ, جاۋاپقا تارتتى. بۇل تۋرالى قالا اكىمدىگىنىڭ رەسمي سايتى ءمالىم قىلدى, دەپ حابارلايدى Egemen.kz.
قالالىق پوليتسيا دەپارتامەنتىنىڭ مالىمەتىنشە, تۇنگى ۋاقىتتا 20 جاستاعى ەر ادام مولداعۇلوۆا كوشەسىمەن ءوتىپ بارا جاتىپ, ايالدامانىڭ ارتقى قابىرعاسىن تەۋىپ سىندىرعان. وقيعا سول ماڭداعى بەينەباقىلاۋ كامەراسىنا ءتۇسىپ قالعان. وقيعا ورنىنا پوليتسيا جاساعى جەتىپ, كۇدىكتىنى ۇستاعان.
اتالعان ىسكە قاتىستى سوت ونى 10 كۇنگە قاماۋعا الۋ تۋرالى شەشىم شىعاردى. سونداي-اق زالالدىڭ وتەمىن تولەۋگە مىندەتتەدى.
پوليتسيا مۇنداي قۇقىق بۇزۋشىلىقتار قولدانىستاعى زاڭناما شەڭبەرىندە قاتاڭ قاداعالاناتىنىن ەسكەرتتى. وسىعان ۇقساس وقيعا باس شاھاردا 2025 جىلى قاراشا ايىندا بولعان.
ايتا كەتەيىك, استانادا «توقتا, ۆاندال» اكتسياسى جالعاسىپ جاتىر. وعان ۆولونتەرلەر, بەلسەندىلەر, تانىمال سپورتشىلار مەن قالا تۇرعىندارى قولداۋ كورسەتكەن. اكتسيانىڭ ماقساتى – ءۆانداليزمنىڭ الدىن الۋ جانە قالانى تازا ءارى ءتارتىپتى ەتىپ ساقتاۋ.
«زاڭ جانە ءتارتىپ» قاعيداتى اياسىندا پوليتسيا قىزمەتكەرلەرى پروكۋراتۋرامەن بىرلەسە وتىرىپ, ۆانداليزمگە قارسى بەلسەندى جۇمىس جۇرگىزەدى. م ۇلىكتى قاساقانا بۇزۋ نەمەسە زاقىمداۋ – 60 اەك كولەمىندە ايىپپۇل نەمەسە 30 كۇنگە دەيىن قاماۋعا الۋ ارقىلى جازالانادى.
استانادا ۆاندالداردىڭ سۋرەتى جاريا كورسەتىلەدى
ەسكە سالايىق, جاڭا جىل قارساڭىندا استانادا ايالدامانى بۇلدىرگەن ۆاندال ۇستالعان.