استانا. 24 اقپان. استانادا كولىك پوليتسەيلەرى جالعان اقشالارى بار 23 جاستاعى قىزدى تۇتقىندادى. بۇل تۋرالى «قازاقستان جاڭالىقتارى» حابارلادى.
«استانا قالاسىنىڭ تەمىر جول ۆوكزالىندا 23 جاستاعى قىز ۇستالدى. ودان نومينالى 2000 تەڭگەلىك 64 كۋپيۋرا جانە نومينالى 1000 تەڭگەلىك 6 دانا اقشا (جالپى سوماسى 134 مىڭ تەڭگە) تاركىلەندى», - دەلىنگەن حابارلامادا.
ساراپشىلاردىڭ تەكسەرۋىنەن كەيىن, بۇل پرينتەردىڭ كومەگىمەن باسىپ-شىعارىلعان جالعان اقشا ەكەنى انىقتالدى.
اتالعان فاكتىگە قاتىستى قىلمىستىق كودەكستىڭ 231-بابى -ءبولىمى (جاساندى اقشا نەمەسە قۇندى قاعازدى دايىنداۋ, ساقتاۋ, تاسىمالداۋ نەمەسە وتكىزۋ) بويىنشا ءىس قوزعالدى. وسىعان وراي سوتقا دەيىنگى تەرگەۋ امالدارى باستالدى.
ماتەريال تەرگەۋ امالدارى ءۇشىن استانا قالاسى بويىنشا مەملەكەتتىك كىرىس دەپارتامەنتىنە جىبەرىلدى.
قۇرىش نۇرىمبەت.