كەشە كەشكىسىن تەمىرتاۋدا 8-ءشى شاعىن اۋدان مەن وترادنوە كوشەلەرىن جىلۋمەن قامتاماسىز ەتەتىن ماگيسترالدى جىلۋ قۇبىرىندا بولعان اپات سالدارىنان 40 كوپقاباتتى ءۇي مەن ونداعان جەكە تۇرعىن ءۇي جىلۋسىز قالدى, دەپ جازادى Egemen.kz.
– 1970 جىلداردان بەرى كۇردەلى جوندەۋ كورمەگەن قۇبىردىڭ ەسكى ۋچاسكەسى زاقىمدانعانى انىقتالدى. زاقىمدانعان ورىن تابىلدى, ماماندار قالپىنا كەلتىرۋ جۇمىستارىنا كىرىستى, اپاتتىق-قالپىنا كەلتىرۋ بريگادالارى جۇمىس ىستەپ جاتىر, بارلىق قاجەتتى كۇش پەن تەحنيكا جۇمىلدىرىلدى, – دەدى قالا اكىمى عالىم ءاشىموۆ.
قالادا اقاۋدى مۇمكىندىگىنشە قىسقا مەرزىمدە جويۋ جۇمىستارى ۇزدىكسىز جۇرگىزىلدى. اپاتتىق بريگادالار ءۇزىلىسسىز جۇمىس ىستەپ, ءتيىستى تەحنيكا جۇمىلدىرىلعانى حابارلاندى. قازىرگى ۋاقىتتا بارلىق جوندەۋ جۇمىستارى اياقتالعان. جىلۋ تراسساسى تولتىرىلۋدا.
استانادا تاعى ءبىر گاز جىلۋ ستانتسياسىنىڭ قۇرىلىسى باستالدى
قاراعاندى وبلىسى